Bin nib Beech e Program ko Bin Migid e Circuit Assembly
Uw rogon ni ngad pared ni gad mmudugil u fithik’ e togopluw nima yibnag e piin ndubrad e machib nriyul’? Uw rogon ni ngad gelgad ko pi n’en ni be fanay Satan ni nge waliydad ngay u lan e re fayleng ney ni be gagiyegnag? Yira pi’ e fulweg ko gali deer ney nib ga’ fan ko fare circuit assembly ni yira tay ko duw ni 2009. Kenggin e re assembly nem e “Ngam Ngongliy e Ngongol nib Fel’ Ngam Gel Ngak e Kireb.” (Roma 12:21) Pi assembly ni yira tay ni l’agruw e rran e boor e welthin ni yira pi’ riy nra gelnag e michan’ rodad, maku arrogon e tin ni yira tay u lan taareb e rran.
Faen ni ir e district overseer e baaray kenggin e welthin nra pi’: “Mu Gelnagem Ngam Ngongliy e Ngongol nib Fel’ Ngam Gel Ngak e Kireb,” nge “Mu Ayuw Ya Ri Pag Rogon e Pagan’ nim Tay,” nge “Dabki N’uw Nap’an Me Chuw’ Urngin e Kireb,” nge “Nge Gel e Michan’ Rodad Ngad Gelgad ko Fayleng.” Fare circuit overseer e ku baaray kenggin e welthin nra pi’: “Ereray e Ngiyal’ ni Ngad Pared ni Gad ba Od!” nib puluw ko fare thin u Roma 13:11-13 nge “Dabi Mulan’um ko Ngiyal’ ni Keb e Gafgow Ngom” nib puluw ko Proverbs 24:10. Ku l’agruw e welthin nra pi’ ni kub manigil e “Ngan Tiyan’uy ko Tin nib T’uf ko Ulung” nge “Rayog ni Ngam Un ko Pigpig ni Gab Pioneer, Fa?” Ma bin som’on e welthin u l’agruw i welthin ko symposium e, “Mu Par ni Gab Mudugil mag Togopluw ko Pi Ban Rok Moonyan’.” Re welthin ney e ra ayuwegdad ngad nanged ma gad togopluw ko pi ban rok Moonyan’ nib mith ni bay ko llowan’ ko fayleng nge fafel nge skul. Ku reb e welthin ko re symposium nem ni kenggin e “Mu Gelnagem Ngam Togopluw ko Tin nib Kireb e Ngiyal’ Ney” e ra tamilangnag ngodad rogon ni ngad folgad ko fare fonow ni kan thagthagnag ni bay ko Efesus 6:10-18.
Bay ban’en nib peth u thilin e ngan gel ko en kenggin e kireb nge ngan machibnag murung’agen Gil’ilungun Got. (Revelation 12:17) Aram fan nder tal Satan ko togopluw ngak e Pi Mich Rok Jehovah! (Isaiah 43:10, 12) Machane gad manang nra war Moonyan’ ni bochan e gad be ’ngongliy e ngongol nib fel’ gad be gel ko kireb.’ Mu fal’eg rogom nge yog nim un ko re assembly ney nge fel’ rogom ko pi n’en ni yira weliy riy.