Bin nib Beech e Circuit Assembly

Bay rogon rok Jehovah ni ngan pining e sorok ngak. Uw rogon ni ngad pininged e sorok ngak Jehovah? Mang e be magawonnag boch i gadad ko re n’ey? Mang boch e flaab ni be yib ngak e piin ni yad be pining e sorok ku Got e ngiyal’ ney? Fare circuit assembly ko 2008 e ra pi’ e fulweg ko pi deer ney. Kenggin e assembly e “Urngin ni Ngam Rin’ ni Fan e Ngam Mog e Sorok Riy Ngak Got.” (1 Kor. 10:31) Amu lemnag e pi n’en ni bay ni pi’ ngodad u nap’an l’agruw e rran ni yira wereg e thin ko tirok Got ban’en nra pow’iydad.

Fa en ni district overseer e ra pi’ l’agruw e welthin ni kenggin e “Mang Fan ni Ngam Pining e Sorok ku Got?” nge “Mu Ngongliy e Ngongol nib Fel’ ma Ngam Fol ko Pi Motochiyel Rok Got.” Ra pi’ e welthin ni fan ko yoor ni kenggin e “Mini’ e Piin ni Yad Be Pining e Sorok ku Got?,” nge fa bin tomur e welthin ni “Mu Pininged e Sorok ku Got u Ga’ngin Yang u Fayleng ni Gimed Taareb.” Maku ra fl’eg fare Theocratic Ministry Sukul. Fa en ni circuit overseer e ra pi’ boch e welthin ni kenggin e “Mu Falfalan’gad ni Ngam Daged ni Gimed be Pining e Sorok ku Got,” “Ngan Tiyan’uy ko Tin nib T’uf ko Circuit,” nge “Mu Pired ni “Gimed ‘Mmudugil u Fithik’ e Tin ni Ir e Ba Riyul’,’” ni bay ko 2 Peter 1:12. Maku yira tamilangnag ngodad ko uw rogon ni “Be Pining e Maruwel ko Pioneer e Sorok ku Got.” Fare welthin ni “Ngam Pininged e Sorok ku Got u Gubin Ban’en ni Ngam Rin’ed ko Yafos Romed,” ni aram e bin som’on e symposium ko l’agruw ni yira pi’, e ra tamilangnag fan e pi thin ni bay ko 1 Korinth 10:31. Fare symposium ni “Mu Pigpig ni Ngam Pining e Sorok ku Jehovah” e ra tamilangnag boch e kanawo’ ni ngad liyorgad ngak Got. Ra felfelan’dad ko welthin ko Wulyang Ntagil’ E Damit nge daily text u nap’an e Madenom. Maku yira tay e taufe.

Ba ga’ ni dabun e girdi’ ni ngar rogned ni bay Got. Kan bannag boor i yad ni ngar tedan’rad ko lem ko girdi’ ma dab ra lemnaged fel’ngin Jehovah. (John 5:44) Machane ke mudugilan’mad nra fel’ rogom ni ngam lemnag rogon ni ngam rin’ ban’en ma “Urngin ni Ngam Rin’ ni Fan e Ngam Mog e Sorok Riy Ngak Got.” Mu finey ni ngam un ngay ma ga tay ni nge fel’ rogom ko aningeg e rran.