Kam Fl’eg Rogom ni Ngam Tangnag Jehovah u Nap’an e Muulung?

¹ Nap’an ni ngad fal’eged rogodad ngad uned i pi’ e fulweg u nap’an e muulung maku ba fel’ ni ngad fal’eged rogodad ni ngad don’ed e tang ni ngan n’uf Jehovah. Ere ngad lemnaged e pi n’en ni baaray.

² Ngan Nang Fan e Thin Riy: U tan kenggin fare tang ma be yog e thin nu Bible nib m’ag ngay. Faan gad ra tafinaynag e re thin ko Bible nem u nap’an ni gad be tang ma ra tamilang u wan’dad.

³ Ngan Fil Rogon: Rayog ni ngan non’ e tang u nap’an e Fol Babyor ko tabinaw u gubin e wik. Ngan tang u nap’an ni be chub e musik u nap’an e muulung. Faan ga ra guy rogon ni ngam nang fan fare tang ma ngam mon’ u gubin ngiyal’ ma ga ra nang fare musik nge thin riy.