Ban’en Nra Ayuwegey ko Fol Bible

Mu Fil e Pi “Tang” Nge Mit Ngom

“Nap’an nug ra lemnag ndariy fag, ma ma pi’ Jehovah e athamgil ngog u daken e pi tang ni bay ko JW Broadcasting^®.”​—Lorraine ni ma par u Meriken.

Kab kafram i yib ni pi “tang” ni ma yon’ e piin Kristiano e aram bang ko liyor rorad. (Kol. 3:16) Faan ga ra fil e pi tang ney nge mit ngom, ma rayog ni nge ayuwegem ni yugu aram rogon ndariy babyoren e tang rom, ara cell phone, ara tablet. Mu rin’ e pi n’en baaray nra ayuwegem ni nge mit boch e tang ngom.

• Mu fal’eg i beeg e thin riy ya ngam nang fan. Ra mom ni nge mit ban’en ngom ni faanra kam nang fan. Gubin e tang rodad, nib muun ngay yugu boch e tang, nge pi tang ni kan ngongliy ni fan ko piin bitir ni bay e thin riy ko jw.org. Mman ko fare thin ni Music ni bay u tan fare thin ni Library.

• Mu yoloy e thin riy nga but’. Ga ra rin’ e re n’ey ma dabisiy nra mom ni nge mit ngom.​—Deut. 17:18.

• Mon’ nib ga’ lamam. Mu beeg ara mon’ fare tang ni boor yay.

• Mu guy ko ke mit ngom fa dawor. Mu guy rogon ni nga mon’ ndamur sap ko thin riy, ngemu’ mag guy ko ba puluw rogon ni kam rin’ fa danga’.