Nap’an Nra Chugur e Puguran ngu Tomuren e Puguran Mab Gel e Maruwel ni Ngan Tay!

1. Mang fan ni ngad athamgilgad ni ngad yoornaged e tayim ko machib u nap’an e pi pul ni March, nge April, nge May?

¹ Rayog ni ngam yoornag e tayim rom ko machib u nap’an nra chugur e Puguran ngu tomuren, fa? Boor e binaw nra par nib fel’ e yafang riy mab sasagaal ni nge aw e lumor. Boch e publisher e yad ma ning e matal rorad ko maruwel ma boch e dariy e skul rorad e ngiyal’ nem ere rayog ni ngar uned ko machib. Fare special campaign e ra tabab ko April 2 ni aram e ngiyal’ ni ngan pining e girdi’ ngar uned ngodad ko Puguran ko April 17. Ma ngad guyed rogon ni ngad pied e athamgil nga laniyan’ e piin ni kar uned ko puguran nge yog ni ngkur uned ko fare special talk u tomuren e puguran ko April 30. Ere boor fan ni ngad athamgilgad ngad yoornaged e tayim ni ngad uned ko machib u nap’an e pi pul nem ko March, nge April nge May.

2. Mang reb e kanawo’ ni rayog ni ngam yoornag e tayim rom ko machib?

² Pioneer ni Ayuw: Reb e kanawo’ e ngam athamgil ni ngam un ko pioneer ni ayuw. Boor pa’ u puluwdad ere ba t’uf ni ngad fal’eged i lemnag u m’on riy ma gad thilyeg boch ban’en ko schedule rodad. (Prov. 21:5) Sana rayog ni ngam digey boch ban’en ni de ga’ fan ni ga ma rin’. (Fil. 1:9-11) Mang ni dab mu weliy ngak boch e walag u lan e ulung ni ga baadag ni ngam un ko pioneer ni ayuw mag piningrad ngar uned ngom ko re maruwel nem?

3. Uw rogon nrayog ko pi tabinaw ni ngar yarmiyed ni nge yoor e tayim rorad ko machib?

³ Nap’an e Fol Bible ni Tabinaw ko blayal’ mab fel’ ni ngam weliyed u taabang ko mang e ngam nameged. (Prov. 15:22) Faan gimed ra maruwel chon e tabinaw rom u taabang ma ku rayog ni ki un boch girdien e tabinaw ko pioneer ni ayuw u reb e pul ara boch e pul. Ma uw rogon ni faanra kan guy ni dariy be’ ni rayog ni nge un ko pioneer? Ku rayog ko fare tabinaw ni ngar yoornaged e tayim ko machib ni blayal’ ara nge n’uw boch nap’an e machib ni ngar ted ko Sabado nge Madnom.

4. Mang boch e flaab nra yib ni faan gad ra athamgil ni ngad yoornaged e tayim ko machib ko ngiyal’ ni ke chugur e Puguran ngu tomuren?

⁴ Manang Jehovah rogon e pigpig ni gad ma tay ni fan ngak, ma ma felfelan’ ni gad ma pag fadad. (Heb. 6:10) Ra yib e felfelan’ ngodad ni ngad pied gadad ngak Jehovah ma gad ayuweg boch e girdi’. (1 Kron. 29:9; Acts 20:35) Rayog ni ngam yoornag boch e tayim ko machib ni ga ra tay ko ngiyal’ ni ke chugur ko Puguran ngu tomuren ya nge yib e felfelan’ ngom nge flaab, fa?