Mu Felfelan’ ko Pi N’en ni Ga Ra Rin’ u M’on ngu Tomuren e Puguran
1. Mang reb e kanawo’ nrayog ni nge gel e felfelan’ rom riy u m’on ngu tomuren e Puguran?
1 Ga baadag ni nge gel e felfelan’ rom u nap’an e pul ni March, nge April, nge May? Reb e kanawo’ nrayog ni ngam rin’ e re n’ey riy e aram e ngam un ko auxiliary pioneer ara pioneer ni ayuw. Uw rogon nra gelnag e re n’ey e felfelan’ rom?
2. Uw rogon nra gel e felfelan’ rodad ni faan gad ra yoornag e tayim rodad ni fan ko machib?
2 Ngam Gelnag e Felfelan’ Rom: Ke sunmiydad Jehovah ni ngad pigpiggad ngak ni gad ba felfelan’. (Matt. 5:3) Ki sunmiydad nrayog ni ngad rin’ed boch ban’en ni fan ngak boch e girdi’ ma gad felfelan’ ngay. (Acts 20:35) Machib ni gad ma tay e ra ayuwegdad ni ngad pigpiggad ngak Got ma gad ayuweg e girdi’. Ere, aram fan ni faan gad ra yoornag e tayim rodad ni fan ko re maruwel ney ma ra gel e felfelan’ rodad. Maku reb e, faan gad ra yoornag e tayim rodad ni fan ko machib, ma ra ga’ e salap rodad. Ma re n’ey e ra ayuwegdad ni nge pagan’dad, ma dab kud rusgad. Boor e kanawo’ nrayog ni ngad machibgad riy ma gad tabab i fil e Bible ku be’. Ma pi n’ey e ra k’aringdad ni ngad adaged fare maruwel ni machib.
3. Mang fan nib fel’ ni ngan un ko pioneer ni ayuw u nap’an e pul ni March nge April?
3 March nge April e aram e ngiyal’ nib fel’ ni ngan un ko pioneer ni ayuw ni bochan e rayog ni ngad mel’eged 30 ara 50 e awa ni nga darod riy ko machib. Maku reb e, nap’an e Sabado ko March 22, nge yan i mada’ ko rofen ni Puguran ko Montag ko April 14 ma gad ra tay reb e campaign ni ngad pininged e girdi’ ni ngar uned ko Puguran. Ra felfelan’ e pi ulung ni bochan e boor e walag ni yad ra maruwel u “taabang” ni ngar wereged babyoren e puguran ko pi binaw ni yima machib riy.—Zef. 3:9, NW.
4. Faanra gad baadag ni ngad uned ko pioneer ni ayuw, ma mang e susun ni ngad rin’ed?
4 Ka Chiney e Ngam Fal’eg Rogom: Faanra dawor mu yaliy e schedule rom, ma ireray e ngiyal’ nib fel’ ni ngam sap ngay ngam guy e pi n’en ni bay riy nrayog ni ngam thilyeg ko ngiyal’ nem. Mu uneg e re n’ey ko meybil rom. (Jas. 1:5) Mu weliy ngak chon e tabinaw rom nge boch e walag u lan e ulung. (Prov. 15:22) Sana ga ra pirieg ni yugu aram rogon ni kam m’ar ara ga ma maruwel u polo’ e tayim rom, ma rayog ni ngam un ko pioneer ni ayuw.
5. Mang angin nra yib ngodad ni faan gad ra yoornag e tayim ni ngad machibgad riy u m’on ngu tomuren e Puguran?
5 Baadag Jehovah ni nge felfelan’ e pi tapigpig rok. (Ps. 32:11) Gad ra athamgil ni ngad yoornaged e tayim ni ngad machibgad riy u m’on ngu tomuren e Puguran, ma gathi kemus ni gad ra felfelan’ ya ku gad ra felfelan’nag e Chitamangidad ni bay u tharmiy.—Prov. 23:24; 27:11.