Mu Pi’ e “Tin Nib Fel’” ko Girdi’ ni Aram e Ngam Gol Ngorad (Matt. 12:35a)

Dabisiy ni gadad gubin ni gad baadag ni ngad pied e “tin nib fel’” ni bay rodad ma gad ‘bing e tabinaw rodad ngak e milekag.’ (Rom. 12:13) Piin piilal e yad ma dag e kanawo’ u rogon ni ngad ayuweged e piin ni yad ma lekag e ulung ni aram e rayog ni ngad pied boch e ggan ni fan ngorad. Machane rayog ni nge maruwar lanin’dad ni ngad rin’ed e re n’ey ni bochan nde yoor ban’en rodad ara gad be magafan’ ni faanra yib e girdi’ ko tabinaw rodad. Gadad ra fal’eg i lemnag fapi thin ni yog Jesus ngak Martha ma rayog ni nge ayuwegdad ni ngad gelgad ko binem e lem. (Luke 10:39-42) I tamilangnag ni gathi ggan ni kan ngongliy ni boor mit ara naun ni kan fal’eg yaan e ir e ba ga’ fan, ya “bin” nth’abi ga’ fan e aram e ngaun chagil u taabang ma ra be’ ma be pi’ e athamgil nga laniyan’ be’. Faan gad ra fol ko re fonow ney ma rayog ni ngad pied e “tin nib fel’” ngak e pi walagdad nrogon ni bay ko Thin rok Got.​—3 John 5-8.