Ngad Mon’oggad ko Machib—Ngan Skulnag e Pi Tamachib ni Kab Beech

Fan nib Ga’ Fan: Pi gachalpen Jesus ni yad ba beech e thingar ra filed rogon ni ngar “folgad” u gubin ban’en ni ke yog Jesus ni ngan rin’, nib muun ngay ni ngan fil e tin riyul’ ngak e girdi’. (Matt. 28:19, 20) Boor e pi girdi’ ney ni ke bung rogorad ni ngar uned ko fare Theocratic Ministry Skul maku dabisiy ni kar machibnaged girdien e tabinaw rorad ara pi fager rorad u fithik’ e sabethin. Machane, nap’an nra t’uf rorad e tin ni yad be fil u murung’agen e tin riyul’ ma kar nanged nib m’agan’ Jehovah ngay ni nge nang gubin e girdi’ fare thin nib fel’, ma dabisiy ni yad ra adag ni ngar uned ko fare maruwel ni machib. (Rom. 10:13, 14) U tomuren ni ke bung rogon reb e tamachib ni kab beech ni nge un ko unbaptized publisher, ma nap’an yira skulnag nib fel’ rogon ma aram e ra pagan’ ni nge rin’ e re maruwel ney.—Luke 6:40.

Rogon ni Ngan Rin’:

Mu ayuweg reb e tamachib ni kab beech ni nge nang ko miti mang babyor e ba t’uf ni nge fek u nap’an e machib nge bin ngan e nge fanay u nap’an ni ke pirieg be’ ni nge fil e Bible ngak. Mu dag ngak rogon ni ga ma yarmiy e kabang rom ko machib, ma ngkum weliy ngak e ngiyal’ nib puluw ni ngan fanay fapi babyor ni kam fek.
Rayog ni ngam yaliyew fare Machib ko Gil’ilungun mi gimew yan u daken reb e ban’en riy nrayog ni ngam weliyew u nap’an e machib. Mu pi’ e athamgil ngak ni nge weliy e re n’em nni thin rok. Rayog ni ngam marow u daken boch ban’en ni ir e ngan weliy u nap’an e machib ni bay ko fare babyor ni Ministry School, ko page 82, ni ir e ba ga’ ni yima fanay ko gin ni ga ma machib riy. Mu tamilangnag ngak nib ga’ fan ni nge yalen e munmad rodad nge rogon ni gadad ma fal’eg yaadad.—2 Kor. 6:3, 4.
Ngan ayuweg ni nge mon’og ko tirok Got ban’en. Mu dag reb e territory card ngak, mag fil ngak rogon ni nge fanay fare house-to-house record. Mu dag ngak rogon ni nge yoloy fithingan be’ ni kar mada’gow ni baadag e machib nge telefon nge address rok. Mu fil ngak rogon ni nge fanay fare babyor ni Good News for People of All Nations nge rogon ni nge fanay e jw.org u nap’an e machib. Mu pi’ e athamgil ngak ya nge yag ni nge sul ngak be’ ni baadag e machib.—1 Kor. 3:6.
Ngaum gum’an’nigem, mag pining e magar ngak. (Prov. 25:11) Mu dag e bin nib puluw e kanawo’ u rogon ni nge machib ya nge yag ni nge folwok riy. Ra m’ug feni ri gab pasig ko machib nge rogon ni ga be dag ngak rogon ni ga baadag ni ngam ayuweg, ma dabisiy nra yan bokum e duw ma ra i ulul ni nge rin’ e re maruwel ney u fithik’ e pasig.

Mu Gay Rogon ni Ngam Rin’ e Re N’ey u Lan e Re Pul Ney:

Mmarow ko machib u taabang, mu kum pining ni nge un ngom ko return visit rom ara Bible study. Faanra dariy reb e tamachib ni kab beech ni ga be ayuweg, mag pining yugu reb e walag ni gathi ri boor ban’en ni manang u murung’agen e machib ni ngam maruwelgow u taabang.