Mu Fil Ngorad Rogon Nrayog ni Ngar Ululgad ko Pigpig ni Yad Be Tay ngak Jehovah

Goo gad manang ni faan gad ra fil ngak e pi walag ni ka fin ra uned ko machib rogon ni ngar uned ko machib ni gubin ngiyal’ ni yad ba pasig, ma ra munmun ma yad ra mang boch e pi tamachib ni yad ba salap ko machib. (Pr 22:6; Fil 3:16) Baaray boch e kanawo’ u rogon nrayog ni ngam ayuweg faen ni ga be fil e Bible ngak ni nge nang rogon ni nge salap ko machib:

• Mu tabab i fil ngak rogon ni nge machib u nap’an ni kan dugliy ni nge mang reb e publisher. (km 8/15 1) Mu tamilangnag ngak u feni ga’ fan ni nge un ko machib ni gubin e wik. (Fil 1:10) Mmog boch ban’en nrayog ni nge pi’ e athamgil nga laniyan’ u murung’agen e gin ni ga be machib riy. (Fil 4:8) Kum pi’ e athamgil nga laniyan’ ni nge un ngak e en ni ma yarmiy e machib nge yugu boch e walag ya nge yag ni ngki fil boch ban’en rorad.​—Pr 1:5; km 10/12 6 ¶3

• Tomuren ni ke un faen ni ga be fil e Bible ngak ko taufe, ma dab mu tal i pi’ e athamgil nga laniyan’, ma ngkum fil ngak rogon ni nge machib nib ga’ ni faanra dawori mu’ i fil fare ke babyor ni kenggin e ‘T’ufeg rok Got.’​—km 12/13 7

• Nap’an ni gimew be machib be’ ni ka fini un ko machib mag fil ban’en nib mom ngak nrayog ni nge fanay u nap’an nra non ngak be’. Tomuren ni ke yag ni nge machibnag be’ mag pining e magar ngak. Ku rayog ni ngam weliyew yugu boch e kanawo’ u rogon nrayog ni nge mon’og boch ko machib.​—km 5/10 7