Boch Ban’en Nrayog ni Nga Nog

Fare Wulyang ko Damit November 1

“Ra bay e mahl u thilin l’agruw e nam, ma ba ga’ ni girdien fa gal nam e yad ma lemnag ni bay Got rorad. Uw rogon u wan’um, ga be lemnag nib m’agan’ Got ko mahl? [Mmotoyil ko n’en nra yog.] Biney e babyor e be tamilangnag ko mang fan ni pag Got ni ngaun mahl kakrom nge rogon nra taleg gubin e mahl boch nga m’on.” Mu beeg e Psalm 46:9 mag pi’ fare magazine.

Fare Wulyang ko Damit November 1

“Boor e girdi’ e yad ma gafgow u nap’an e mahl nge tomuren e mahl. Uw rogon u wan’um, ga be lemnag ni ma lemnag Got e gafgow ni yad be tay? [Mmotoyil ko n’en nra yog.] Bay e thin u lan e Bible nrayog ni nge fal’eg lanin’uy. [Mu beeg e Psalm 72:13, 14.] Gathi kemus ni be guy Got e gafgow ni be tay e girdi’, ya ra boch nga m’on ma ra chuweg e pi gafgow ney. Biney e babyor e be weliy e pi n’en nra rin’ Got ni nge chuweg e mahl nge gafgow ni manemus.

Mang e Ri Be Fil e Bible?

“Nap’an nra buch ban’en nib kireb ma boor e girdi’ e ma fith ko, riyul’ ni ma lemnagrad Got ma manang gelngin e gafgow ni yad be tay, fa? Ka am lemnag e re n’ey? [Mmotoyil ko n’en nra yog. Mag beeg e 1 Peter 5:7 nge paragraph 11 ko guruy ni 1.] Re ke babyor ney e be weliy rogon nra chuweg Got e girdi’ u fithik’ e gafgow.” Mag dag fapi deer ni bay u tabolngin e guruy ni 11.