Rogon ni Ngan Fil e Bible ngak Be’ ni Yibe Fanay fare Babyor ni Thin nib Fel’

Ngan beeg fare deer ni namba riy e ba gel ramaen ya nge yag ni ayuweg faen ni kam mada’gow ni nge fal’eg i lemnag murung’agen e n’en ni kam weliyew.

Mu beeg fare paragraph.

Mu beeg fapi thin nu Bible ni kan yoloy nib thig, mag fith boch e deer nrayog ni nge ayuweg facha’ ni nge nang rogon ni be pi’ fapi thin nu Bible e fulweg ko fare deer.

Faanra gathi kemus ni taareb e paragraph e bay u tan fare deer mag sul u daken e bin 2 nge bin 3 kanawo’. Faanra bay reb e video ko jw.org ni bay rogon ko fare deer, mag gay rogon ni ngam pag ni nge guy.

Me tomur, ma gog ngak ni nge pi’ e fulweg ko fare deer nib gel ramaen, ya ngam nang ko ke nang fan nib fel’ rogon fa danga’.