Mu Ayuweg Girdien e Tabinaw Rom Ya Nge Dab Ra Paged Talin Jehovah

Bay e maruwel ni nge rin’ Jeremiah ni aram e nge ginang piyu Jew ndab ki n’uw nap’an ma bay ni thangrad ni bochan e kar paged talin Jehovah ni Got rorad. (Jer 13:25) Mang e ke rin’ ma daki fel’ e tha’ u thilin piyu Israel nge Jehovah? Pi tabinaw nu Israel e goo ke kireb e tha’ u thilrad Jehovah. Fan ni ke kireb e tha’ u thilrad Jehovah e bochan ndaki fol e piin ni yad lolugen e tabinaw ko fonow rok Jehovah ni bay ko Deuteronomy 6:5-7.

Pi tabinaw ni yad ba gel ko tirok Got ban’en e ba ga’ angirad ko pi ulung rodad e ngiyal’ ney. Piin ni yad lolugen e tabinaw e rayog ni ngar ayuweged chon e tabinaw rorad ndab ra paged talin Jehovah ni aram e ngaur ted e Fol Bible ni Tabinaw ni gubin ngiyal’ nra yib angin ngorad. (Ps 22:27) U tomuren ni kan guy fare video ni kenggin e “These Words . . . Must Be on Your Heart”​—Family Interviews, ma aram e ngan pi’ e fulweg ko pi deer ni baaray:

• Uw rogon ni ka yag rok boch e tabinaw ni ngar gelgad ko pi magawon nib ga’ ni gad ma mada’nag u nap’an e fol Bible ni tabinaw?

• Mang boch e tow’ath nra yag ngak girdien reb e tabinaw ni faanra ur ted e Fol Bible ni Tabinaw ni gubin ngiyal’?

• Mang boch e magawon ni gu ma mada’nag u nap’an ni gu ma tay e fol Bible ni tabinaw, ma uw rogon nrayog ni nggu pithig e pi magawon ney?