Uw Feni Gel e Michan’ Rom ko Pi N’en ni Ke Micheg Jehovah?

I micheg Joshua nge Solomon ndariy bugithin ni micheg Jehovah nde yan i aw nib riyul’. (Jos 23:14; 1Ki 8:56) Pi thin ni u rognew e rayog ni nge pagan’dad ngay maku be gelnag e michan’ rodad ko tin riyul’ u lan e Bible.​—2Ko 13:1; Tit 1:2.

Uw rogon ni lebguy Jehovah e pi n’en ni micheg u nap’an Joshua? Ngam yaliyed chon e tabinaw rom fare video ni kenggin e ‘Not One Word Has Failed.’ Ngemu’ min weliy e pi deer ni baaray: (1) Uw rogon nrayog ni ngam folwok ko michan’ rok Rahab? (Heb 11:31; Jas 2:24-26) (2) Bochan nde fol Akan ni lem rok, ma uw rogon ni tamilangnag e re n’ey nrayog ni nge yib e riya’ ngom ni faanra dab mu fol? (3) Yugu aram rogon ni fapi pumoon nu Gibeon e yad bogi salthaw, machane mang fan ni kar bannaged Joshua mar gayed rogon ni nge fel’ e tha’ u thilrad yu Israel? (4) Uw rogon ni ke lebug e thin ni yog Jehovah u nap’an ni yib fa lal i pilung nu Amorite ni ngar chamgad ngak piyu Israel? (Jos 10:5-14) (5) Uw rogon ni ke ayuwegem Jehovah u nap’an ni ga be m’oneg Gil’ilungun u wan’um nge n’en nib m’agan’ ngay?​—Mt 6:33.

Nap’an ni gad ra fal’eg i lemnag gubin ban’en ni ke rin’ Jehovah, nge pi n’en ni be rin’ e ngiyal’ ney, nge pi n’en nra rin’ boch nga m’on, ma re n’ey e susun nra gelnag e michan’ rodad ko pi n’en ni ke micheg nra rin’ boch nga m’on.​—Ro 8:31, 32.