Mu Chuweg e Bin Kakrom i Rarogom Ma Gon’ e Bin nib Beech i Rarogom Nga Dakenam

3:5-14

Boor ban’en u rarogom ni kam thilyeg u nap’an nim fil e tin riyul’, fa? Faanra arrogon, ma rayog ni nge pagan’um nib felfelan’ Jehovah nga rogon e athamgil ni kam tay. (Eze 33:11) Machane kub t’uf ni ngam ulul i guy rogon ni ngam siyeg pangim kakrom, ya nge dabki m’ug bayay. Ma ngkum guy rogon ni nge m’ug e bin nib beech i pangim. Mu pi’ e fulweg ko pi deer ni baaray ya ngam guy ko mang boch ban’en u rarogom ni kub t’uf ni ngam thilyeg:

• Gur, gu be par ni gub damumuw ngak be’ ni ke rin’ ara ke yog ban’en ngog ni ke kirebnag lanin’ug?

• Gu ma guy rogon ni nggu k’adan’ u puluwon e girdi’ ni yugu aram rogon ni gu be gurgur ara ke aw parawog, fa?

• Nap’an ni gu ra lemnag murung’agen e ngongol ndarngal, ma gur, gu ma gurnageg ni nge dab kug lemnag e re n’ey, fa?

• Gu ma laniyan’ ngak e girdi’ u yugu boch e nam ara piin nib thil raen dowrad, fa?

• Ka fin gog reb e thin nib kireb ngak be’ ara gu damumuw ngak be’, fa?