Mang e Rayog ni Ngam Fil ko Fapi Original Song?

Mang boch e tang rodad ni ka nog e original song ngay nri ga baadag, ma mang fan? Gur, ga be lemnag ma pi video nem e be dag yaan e tin ni gad ma rin’ u reb e rran nge reb? Bochan ni pi tang ney e boor ban’en ni be weliy murung’agen ma kub thilthil rogon e musik riy, ma aram fan ni gubin e girdi’ nrayog ni nge yib angin ngorad. Machane pi original song ney nge pi video riy e gathi kemus ni gad ma yaliy ni nga i n’ag e chalban rodad.

Ra reb e pi original song ney ma bay ban’en nrayog ni ngad filed riy ni bay rogon ko pi n’en ni gad ma rin’ ni gad boch e Kristiano nge machib ni gad ma tay. Bay boch e pi tang ney ni be tamilangnag rogon ni ngaun gol, min par nib taareban’uy, me fel’ e tha’ u thiliy, nge rogon ndabin rus, min dag e t’ufeg, me gel e michan’. Ku bay boch ni be weliy murung’agen rogon ni ngan sul ngak Jehovah, min n’ag fan e kireb, nge rogon ni ngan yul’yul’ u gubin ban’en, nge rogon ni ngan pigpig ngak Jehovah u yugu boch e kanawo’. Ku bay reb e pi tang ney ni be tamilangnag rogon ni ngan gonopiy rogon ni ngan fanay e cell phone. Ku mang boch ban’en ni kam pirieg ko pi original song rodad nrayog ni ngan fil ban’en riy?

NGAN YALIY FARE ORIGINAL SONG VIDEO NI KENGGIN E JUST AROUND THE CORNER, NGEMU’ MIN PI’ E FULWEG KO PI DEER NI BAARAY:

• Mang boch e tow’ath ni be lemnag fa wu’ i mabgol nra yag ngorow boch nga m’on?​—Ge 12:3

• Uw rogon nrayog ni ngad gelnaged e michan’ rodad nga rogon nrayog ni nge lebguy Jehovah e pi n’en ke micheg?

• Mini’ e piin nri gad ra felfelan’ ni ngad guyed yad boch nga m’on?

• Uw rogon ni pi n’en ni gad be athapeg nra rin’ Gil’ilungun Got boch nga m’on e rayog ni nge ayuwegdad ni ngad athamgilgad u fithik’ e magawon ni gad be mada’nag e ngiyal’ ney?​—Ro 8:25