Mu Pining e Sorok ngak Jehovah ni Aram e Ngam Mang Reb e Pioneer

Boor fan nib manigil ni nge pining piyu Israel e sorok ngak Jehovah. I chuwegrad ko sib u Egypt me ayuwegrad u pa’ e pi salthaw rok Farao! (Ex 15:1, 2) Ka be ulul Jehovah ni nge rin’ boch ban’en nib manigil ni fan ko girdi’ rok. Ere uw rogon ni ngad pininged e magar ngak?​—Ps 116:12.

Reb e kanawo’ nrayog ni ngam rin’ e re n’ey riy e aram e ngam un ko pioneer ni ayuw ara ngam mang reb e regular pioneer. Rayog ni ngam meybil ngak Jehovah ni nge ayuwegem ni ngam adag ni ngam un ko pioneer, miki pi’ gelngim ni ngam rin’ e re n’ey. (Fil 2:13) Boor e walag e yad ma un ko pioneer ni ayuw ko som’on. Faan ga ra un ko pioneer ni ayuw, ma rayog ni ngam mel’eg ni ngam machib u lan 30 ara 50 e awa u nap’an e March nge April, ara re pul nra yib e en ni ma lekag e ulung riy. Nap’an ni ga ra guy gelngin e felfelan’ ni ga ra tay u nap’an ni ga ra un ko pioneer ni ayuw, ma aram e ga ra adag ni ngam un ko regular pioneer. Mus ngak e piin yad ma maruwel u polo’ e tayim rorad ara yad ba m’ar ni ke yag ni ngar uned ko regular pioneer. (mwb16.07 8) Bin riyul’ riy e, bay fan ni ngad athamgilgad ni ngad pininged e sorok ngak Jehovah!​—1Kr 16:25.

NGAN YALIY FARE VIDEO NI KENGGIN E THREE SISTERS IN MONGOLIA, NGEMU’ MIN PI’ E FULWEG KO PI DEER NI BAARAY:

• 

  Mang boch e magawon ni mada’nag fa dalip i walag ni ppin, ma mang e rrin’ed ya nge yag nra pithiged e magawon rorad mar uned ko pioneer?

• 

  Mang boch e tow’ath ni ke yag ngorad?

• 

  Mang boch ban’en ni ke yag ni ngar rin’ed ko pigpig rorad ngak Jehovah ni bochan e kar uned ko regular pioneer?

• 

  Uw rogon ni n’en kar rin’ed e ke yag ni nge ayuweg yugu boch e girdi’?