Ngaun Dag e T’ufeg u Lan e Tabinaw

T’ufeg e aram e n’en ni ma m’ag e tabinaw nga taabang. Ere faanra dariy e t’ufeg u lan reb e tabinaw, ma ra mo’maw’ ni nge par girdien fare tabinaw nib taareban’rad mar maruwelgad u taabang. Uw rogon ni nge dag e piin figirngiy, nge piin leengiy, nge piin gallabthir e t’ufeg u lan e tabinaw?

Be’ ni figirngiy ni ma dag e t’ufeg e ra lemnag e tin nib t’uf rok leengin, nge rogon laniyan’ nge tafinay rok u boch ban’en. (Efe 5:28, 29) Ra pi’ e tin nib t’uf ko girdien e tabinaw rok ma ra ayuwegrad ni nge chugur e tha’ u thilrad Jehovah. (1Ti 5:8) Be’ ni leengiy ni ma dag e t’ufeg e ra fol rok figirngin me “ta’ fan.” (Efe 5:22, 33; 1Pe 3:1-6) Ra bagayow fa wu’ i mabgol ma thingari m’agan’ ngay ni nge n’ag fan e kireb rok bagayow. (Efe 4:32) Piin gallabthir ni yad ma dag e t’ufeg e yad ma lemnag pi fakrad nreb nge reb ma yad ma fil ngorad rogon ni nge t’uf Jehovah rorad. (De 6:6, 7; Efe 6:4) Mang boch e magawon ni ma mada’nag pi fakrad u skul? Uw rogon ni yad be athamgil u fithik’ e pi towasar ni ma tay e pi taab yangar rorad ngorad? Faanra ba gel e t’ufeg u lan reb e tabinaw, ma gubin i girdien fare tabinaw ni yad ra par nib pagan’rad.

NGAN YALIY FARE VIDEO NI DISPLAY UNFAILING LOVE IN YOUR FAMILY, NGEMU’ MIN PI’ E FULWEG KO PI DEER NEY:

• 

  Uw rogon ni ma pi’ reb i figirngiy ni ma t’ufegey e tin nib t’uf rok leengin me ayuweg?

• 

  Uw rogon ni ma dag reb i leengiy ni ma t’ufegey e tayfan ngak figirngin?

• 

  Uw rogon ni ma fil e piin gallabthir ni yad ma dag e t’ufeg e Thin rok Got ngak pi fakrad?