Mu Fal’eg Rogom e Chiney ni Fan ko Ngiyal’ ni Kam Maad’ad ara Kam M’ar nib Tomgin

Mang fan ni ngam fal’eg rogom? Rayog ni ngam maad’ad ara mm’ar nib tomgin min tem nga aspital. Ere aram fan ni chiney e ngam fanay e pi n’en ni kan ngongliy ni nge ayuwegdad u rogon e tafalay nib manigil nrayog ni ngad uned ngay u m’on ni nge buch ban’en rodad nib tomgin. Faan ga ra rin’ e re n’ey, ma aram e ga be dag nib ga’ fan e yafos nge motochiyel rok Jehovah u murung’agen e racha’ u wan’um.​—Ac 15:28, 29.

Mang e rayog ni ngam rin’ ya nge yag nim fal’eg rogom?

• Mmeybil mag ngongliy bang fare card ngom ni ka nog e durable power of attorney (DPA) ngay.a Piin kar uned ko taufe e rayog ni nga rogned ko re walag ni ma yarmiy e babyor ni nge pi’ bang e re DPA card ney ngorad nge fa binem e card ni ka nog e Identity Card (ic) ngay ni fan ko bitir rorad

• Faanra gab diyen, ma gog ngak reb e piilal ni nge pi’ bang fare babyor ngom ni ka nog e Information for Expectant Mothers (S-401) ngay. Re gi babyor ney e ra ayuwegem u rogon ni ngam dugliy boch ban’en nib fel’ ni ngam rin’ ni faanra ke buch ban’en rom ara ke buch ban’en rok fare tir u nap’an ni gab diyen ara u nap’an ni ngam gargel

• Faanra ngam un nga reb e tafalay nsana ra t’uf ni ngam fanay e racha’ riy ara ba t’uf ni nga nin’em nga aspital, ma nga mog ngak reb e piilal u m’on riy mu ku mog ko togta rom ni bay yib reb e Pi Mich Rok Jehovah ni nge guyem

Uw rogon nrayog ni nge ayuwegem e piin piilal? Rayog ni ngar ayuweged gur u nap’an ni ga be ngongliy e DPA card rom. Machane gathi yad e ngar dugliyed boch ban’en ni fan ngom ni bay rogon ko re miti tafalay ni ngam un ngay ara ra weliyed rogon lanin’rad u boch ban’en nib t’uf ni ngam dugliy ni gur rom. (Ro 14:12; Ga 6:5) Nap’an ni ga ra yog ngak reb e piilal ni ka nog nsana ra t’uf ni ngam fanay e racha’ u nap’an ni yibe tafalaynagem, ma aram e ra non fare piilal ko fare Hospital Liaison Committee (HLC) ni fan ngom ni ka chingiyal’ nem.

Uw rogon nrayog ni nge ayuwegem fare HLC? Pi walag ni pumoon ni yad girdien fare HLC e kan skulnagrad u rogon ni ngar ayuweged e pi togta nge girdien e puf oloboch ni nge tamilang u wan’rad fan ndarud fanayed e racha’ nrogon nib puluw ko Bible. Pi walag ney e rayog ni ngar weliyed e togta rom murung’agen boch e tafalay nrayog ni ngam un ngay ndabi t’uf ni ngam fanay e racha’ riy. Ma faanra ba t’uf, ma rayog ni ngar ayuweged gur ni ngam pirieg reb e togta nra m’agan’ ngay ni nge tafalaynagem ndab mu fanay e racha’.

NGAN YALIY FARE VIDEO NI HOW TO MAKE HEALTH-CARE DECISIONS REGARDING BLOOD, NGEMU’ MIN PI’ E FULWEG KO RE DEER NEY:

• Mang e kam fil ko re video ney nra ayuwegem ya nge yag nim fal’eg rogom u m’on ni nge buch ban’en rom nra t’uf riy ni ngam fanay e racha’?

  textarea-1