Tafalay ni Bin Th’abi Fel’—Be Mang e Re N’ey?
“Rriyul’ ni be’ ni ngan tafalaynag ma dabi fanay e racha’ e ir be’ ni ra yog ngak e kanawo’ ko sey ni bin th’abi fel’.” Aram e pi thin rok Dr. Michael Rose, ni ir e medical director nge anesthesiologist. Mang boch e tafalay ni “dabi fanay e racha’”? Ba t’uf ni nge tamilang u wan’um ni faanra mu dugliy mit e tafalay nib puluw u lanin’um ni ngan pi’ ngom. Mu yaliy e video ni No Blood—Medicine Meets the Challenge. U tomur riy, mu skengnagem ko pi deer ni bay aray.—Amu tiyan’um ngay: Bochan e ra dag e video rogon e ngan sey, ma susun ni nge gonopiy e gallabthir rogon ni ngar dagew ngak e bitir.
(1) Mang fan ni dabun e Pi Mich Rok Jehovah ni ngan kuruf e racha’ nga dowrad? (2) Miti mang e tafalay e ba adag e Pi Mich Rok Jehovah? (3) Bay matawun rok e piin ni ngan tafalaynagrad ko mang? (4) Mang fan ni ba puluw ma be mil fan ngodad ni ngad meleged yugu mit e tafalay ndab ni kuruf e racha’ nga dowdad? (5) Faanra map’ boor e racha’ nga but’, ma mang l’agruw ban’en ni ba ga’ fan u wan’ e pi togta? (6) Mang aningeg ban’en nib mag ko yu mit e tafalay ni dab ni kuruf e racha’? (7) Uw rogon nrayog rok e pi togta ni ngar (a) lichnaged e racha’ nra map’ nga but’, (b) siyeged ngar adbeyed e blood cell nib rowrow, (c) karinged ni nge ngongliy e dow e racha’, ma ngar (d) kunuyed e racha’? (8) Nga mu weliy rogon e tafalay ni kan nog e (a) hemodilution nge (b) cell salvage ngay. (9) Mang e ga ba adag ni ngan tamilangnag ngom ko mit e tafalay ni dab ni kuruf’ e racha’ nga dowam? (10) Rayog ni nge yib angin ko mit e surgery nib mo’maw’ ma dab ni kuruf e racha’ nga dowef? (11) Mang ban’en nib puluw ni be m’ug u fithik’ e pi togta?
Ra be’ ma ir rok ni nge turguy ni nge nge fanay mit e tafalay ni bay ko fare video uw rogon nib puluw ko nangan’ nib m’ag ko thin nu Bible. Ka mu dugliy ko bin ngan e tafalay ni ba fel’ ni ngan pi’ ngom nge pi bitir rom fa? Susun ni ngam tamilangnag ngak e piin ni gathi yad e Pi Mich Rok Jehovah ko tabinaw rom mit e tafalay ni kam dugliy ni ngan pi’ ngom nge ko mang fan ni kam mel’eg.—Mu guy e “Questions From Readers” ko June 15, 2004, nge October 15, 2000, The Watchtower.