Mang Rogon e Yam’ ni Tay Jesus Ngom?

I yim’ Jesus ya nge yog e yafas ngodad. John 3:16

Dalip e rran nga tomuren ni yim’ Jesus, me yan boch e ppin ko fare yiy nni chibgiliy riy ma de moy u rom, ya ke faseg Jehovah ko yam’.

Boch nga tomuren me m’ug Jesus ngak e pi apostal rok.

Ke faseg Jehovah Jesus ko yam’ nib kan nib gel gelngin ndab ki yim’. I guy pi gachalpen Jesus ni yan nga tharmiy.

I faseg Got Jesus ko yam’ me tay ni nge mang Pilung u Gil’ilungun. Daniel 7:13, 14

I pi’ Jesus e yafas rok ni nge biyuliy e girdi’ ngay. (Matthew 20:28) Re biyul nem e ke bing e kanawo’ ni nge yog e yafas ni manemus ngodad.

Ke dugliy Jehovah Jesus ni nge mang Pilung me gagiyegnag e fayleng. Ma ra un 144,000 e girdi’ nib yul’yul’ ngak ni kan fasegrad ko yam’ ka ranod nga tharmiy. Jesus nge re 144,000 i girdi’ nem e yad ra gagiyeg u Gil’ilungun Got u tharmiy.​—Revelation 14:1-3.

Gil’ilungun Got e ra paradisnag e fayleng. Me chuweg e mahl, nge bugel, nge gafgow, nge uyungol. Ma gubin e girdi’ ni yad ra par u fithik’ e felfelan’.​—Psalm 145:16.