Yira Tabab ni Ngan Wereg Babyoren e Puguran ko March 1

1. Wuin e gad ra tabab i wereg babyoren e Puguran, ma mang fan ni kab n’uw boch nap’an ni ngad rin’ed e re maruwel ney riy ko re duw ney?

¹ Rofen ni Biyernes ko March 1, ma gad ra tabab i wereg babyoren e puguran ya ngad pininged e girdi’ ni ngar uned ko Puguran ko Yam’ ni tay Jesus. Yira madnomnag fare Puguran ko March 26, ere ba n’uw nap’an boch ni gad ra wereg e pi babyor nem ko re duw n’ey ko pi duw ni ke yan. Re n’ey e ra ayuweg ni nge yoor boch e girdi’ ni ngan piningrad ko re muulung nem, nib ga’ nfaanra yad be par u lan e binaw nrib boor e girdi’ ni ma par riy.

2. Mang boch e yaram u rogon ni ngad feked babyoren e puguran nge rogon ni ngad maruwelgad ko pi binaw ni ir e ngad wereged e pi babyor nem riy?

² Ngan Yarmiy Ban’en: Piin ni piilal e yad ra yog rogon e yaram u rogon ni ngan maruwel ko pi binaw ni ngan wereg e pi babyor nem riy, maku yad ra yog ko yira tay e babyor ko pi tabinaw ndariy e girdi’ riy, fa. Faan ka bay babyoren e puguran ni ke magey u tomuren ni kan mu’ i wereg e pi babyor ney u mit e tabinaw i yan ma rayog ni ngan wereg u nap’an ni yibe machibnag e girdi’ ni yoor. Faen ni service overseer e ra guy rogon ni nge tay babyoren e puguran ko gin ni yima tay boch e babyor riy ya nge yag ni fek e pi walag e tin nib t’uf rorad, machane dabin tay urngin e pi babyor nem ni taab yay. Kemus ni babyor nrayog ni ngad wereged u lan taareb e wik e ngad feked.

3. Mang e susun dab da paged talin u nap’an ni gad be wereg babyoren e puguran?

³ Mang e Gad Ra Yog? Rib fel’ ndab dogned boor e thin, ya nge yag ni ngad nonad ngak boor e girdi’. Bay reb e kanawo’ u rogon ni ngad wereged e pi babyor nem ko page 4 nrayog ni ngad fanayed ko pi binaw ni gad ma machib riy. Riyul’ nib fel’ ndab da chuwgad nib papey nfaanra kad nonad ngak be’ nib gol ma bay boch e deer rok. Nap’an ni gad ra wereg e pi babyor nem u nap’an e Sabado nge Madnom, maku susun ni ngad pied boch e magazine ngak e girdi’ nfaanra ba puluw. Ma rofen ni March 2, ma kemus ni ngad lemnaged rogon ni ngad wereged e pi babyor nem ko girdi’ ko bin ni ngad tababnaged e fol Bible.

4. Mang fan nthingar da uned i wereg babyoren e puguran u fithik’ e pasig?

⁴ Gad be athapeg ni boor e girdi’ ni ngar uned ko fare Puguran. Welthin ni yira pi’ e ra tamilangnag ko mini’ Jesus. (1 Kor. 11:26) Maku ra tamilangnag ko uw rogon ni ke ayuwegdad e yam’ ni tay. (Rom. 6:23) Ma yira weliy ko mang nib ga’ fan ni ngaud lemnaged. (John 17:3) Yibe athapeg ni rayog ni ngad uned i wereg e pi babyor nem u fithik’ e pasig!