Tang 24 (50)

Gu Fulweg e T’ufeg Rok Got

(1 John 4:⁠11)

1. O Got, dariy be’ nib tolang ngom; ri gab t’uf ­romad,

Jehovah, bay rogon ngan n’ufem.

Gamad ma yog fithingam, ma bay romad e Thin Rom

Ni be fil ngomad murung’agem.

Ga ma runguymad ma ba mat’aw e ngongol rom;

Kam micheg ni gab gonop mab gel.

Thin rom e be micheg ko faan yira yul’yul’ ngom,

Ma ga ra pi’ e flaab ngomad.

2. Kam t’ufegmad ko som’on; ke m’ug u daken Kristus

Gab t’uf romad u gum’erchamad.

Yib Kristus ni nge yog fithingam; me dag e t’ufeg rom ma

Ra pi’ e yafos ni maligach ngodad.

Dariy be’ ni kab gel e t’ufeg ku Jesus Kristus

Ye pi’ e yafos ni maligach.

Fonow nge thin rok e gamad be tay fan ya rayog

E yafos ni manemus ngodad.

3. Dabgu paged e fayleng nge talegdad ko machib,

Gamad ra wereg e thin riyul’.

Ke m’agan’mad ni nggu warod iyan ko machib

Nge garer e t’ufeg u fayleng.

Gamad ma maruwel u fithik’ e t’ufeg aram e mich

Gamad gachalpen Jesus.

Kug folgad ko pi motochiyel rok Gil’ilungun Got,

Mu gu songad ko n’en kam micheg.”