Mu Dag Ni Ba T’uf Got Rom

Ra nge par nib fel’ e fager, ma nguum non ngak. Muum motoyil ngak ma be motoyil ngom. Maku ra um weliy ko girdi’ e tin ba fel’ ni ma rin’ e fager rom. Taareb rogon e re n’ey ko fager romew Got. Am fl’eg i lemnag ko mang e be yog e Bible murung’agen e re n’ey:

Um non ku Jehovah ni gubin ngiyal’u fithik’ e meybil. “Mu p’eyn’uy e meybil.”​—Roma 12:12.

Um bieg e Thin Rok Got u Bible. “Urngin e thin ni bay u lane babyor nib thothup e Got e yib i pi’ nga laniyan’ e girdi’, ma baga’fan ya ma fil ban’en ma ma yal’uweg e oloboch, me sulwegey ko kanawo’ nib yal’uw.”​—2 Timothy 3:16.

Ngan fil’ murung’agen Got ngak e yug girdi’. “Ngam marod ngak girdien e pi nam u gubin yang ngam pingeged yad ngar manged pi gachalpeg. Mi gimed fil ngorad ngar folgad u urngin e tin kug ta’ chilen ngomed ni nguum rin’ed.”​—Matthew 28:19, 20.

Nchuchugur ko pi tafager rok Got. “Mpachegem ngak e piin ba gonop, me yog e gonop ngom.”​—Proverbs 13:20.

Ngan un ko muulung u Kingdom Hall. “Nge bagadad mi i lemnag bagadad, ngi i dag ngak nib t’uf rok, me bagadad me pi’ e athamgil nga laniyan’ bagadad.”​—Hebrews 11:24, 25.

Ngan pi’ e ayuw ko maruwel ko machib. “Ra bagadad ma nge pi’ ban’en nrogon ni ke turguy u gum’erchaen, ma dabi kireban’ ngay ni ke pi’ fa reb e finey ni ban’en nthingar ni rin’ yi Got e ba t’uf rok e en ma pi’ ban’en u fithik’ e falfalan’.”​—2 Korinth 9:7.