Reb e Kanawo’ Nrayog ni Ngad Felfelan’gad ko Pi Tang ni Fan ko Ulung Rodad

Pi tapigpig rok Got e yad ma tay ni musik e reb e tow’ath nrib manigil ni ke yib rok Jehovah. (Jas. 1:17) Boor e ulung ni yad baadag ni yad ma cheleg e pi tang ni fan ko ulung rodad u m’on ko muulung ngu tomuren. Yira cheleg e pi musik ney ma ra pi’ e athamgil nga lanin’dad ni ngad fal’eged rogodad ni fan ko liyor ni ngad ted. Maku reb e faan gad ra cheleg e tin ni kab beech e musik ni bay ko babyoren e tang rodad, ma ra ayuwegdad ni ngad nanged e bin nib puluw e tune riy, miki ayuwegdad ni ngad nanged rogon nib puluw ni nga don’ed e pi tang ney. Pi musik ney ni yima cheleg u tomuren e muulung e ma ayuwegdad ni ngad chaggad u fithik’ e felfelan’ ma gad pi’ e athamgil nga lanin’dad. Ere, susun ni nge yarmiy e piin piilal ni ngaun cheleg e pi musik ni bay ko fare Sing to Jehovah​—Piano Accompaniment u m’on ngu tomuren e muulung. Susun e ngar guyed rogon ndabi pag ga’ngin lingan ya nge dabi magawonnag e girdi’ ni be non.