14 Wò ó, mo ti sapá gan-an láti pèsè ọ̀kẹ́ márùn-ún (100,000) tálẹ́ńtì* wúrà sílẹ̀ fún ilé Jèhófà àti mílíọ̀nù kan (1,000,000) tálẹ́ńtì fàdákà pẹ̀lú bàbà àti irin+ tó pọ̀ gan-an débi pé kò ṣeé wọ̀n, mo sì ti pèsè àwọn ẹ̀là gẹdú àti òkúta+ sílẹ̀, àmọ́ wàá fi kún wọn.

16 Wúrà, fàdákà, bàbà àti irin náà pọ̀ débi pé kò ṣeé wọ̀n.+ Dìde kí o sì bẹ̀rẹ̀ iṣẹ́ náà, kí Jèhófà wà pẹ̀lú rẹ.”+

18 Sólómọ́nì ṣe gbogbo nǹkan èlò yìí, wọ́n sì pọ̀ gan-an; a kò mọ bí ìwọ̀n bàbà náà ṣe pọ̀ tó.+

19 Sólómọ́nì ṣe gbogbo nǹkan èlò+ ilé Ọlọ́run tòótọ́: pẹpẹ wúrà;+ àwọn tábìlì+ tí búrẹ́dì àfihàn wà lórí wọn;+ 20 àwọn ọ̀pá fìtílà àti fìtílà wọn tí a fi ògidì wúrà ṣe,+ tí á máa jó níwájú yàrá inú lọ́hùn-ún gẹ́gẹ́ bí ìlànà ṣe sọ; 21 àwọn ìtànná òdòdó, àwọn fìtílà, àwọn ìpaná* tí a fi wúrà ṣe, tó jẹ́ ògidì wúrà pọ́ńbélé; 22 àwọn ohun tí wọ́n fi ń pa fìtílà, àwọn abọ́, àwọn ife àti àwọn ìkóná tí a fi ògidì wúrà ṣe; ẹnu ọ̀nà ilé náà, àwọn ilẹ̀kùn rẹ̀ ti inú Ibi Mímọ́ Jù Lọ+ àti àwọn ilẹ̀kùn ilé tẹ́ńpìlì tí a fi wúrà ṣe.+