12 Kí Jèhófà ṣe ìdájọ́ láàárín èmi àti ìwọ,+ kí Jèhófà sì bá mi gbẹ̀san lára rẹ,+ àmọ́ mi ò ní jẹ́ gbé ọwọ́ mi sókè sí ọ.+ 13 Bí òwe àtijọ́ kan tó sọ pé, ‘Ẹni burúkú ló ń hùwà burúkú,’ àmọ́ ní tèmi, mi ò ní gbé ọwọ́ mi sókè sí ọ.

8 Ábíṣáì wá sọ fún Dáfídì pé: “Ọlọ́run ti fi ọ̀tá rẹ lé ọ lọ́wọ́ lónìí.+ Ní báyìí, jọ̀wọ́, jẹ́ kí n fi ọ̀kọ̀ gún un mọ́lẹ̀ lẹ́ẹ̀kan péré, mi ò ní ṣe é lẹ́ẹ̀mejì.” 9 Àmọ́, Dáfídì sọ fún Ábíṣáì pé: “Má ṣe é ní jàǹbá, ṣé ẹnì kan lè gbé ọwọ́ rẹ̀ sókè sí ẹni àmì òróró Jèhófà,+ kó má sì jẹ̀bi?”+ 10 Dáfídì ń bá ọ̀rọ̀ rẹ̀ lọ, ó ní: “Bí Jèhófà ti wà láàyè, Jèhófà fúnra rẹ̀ ló máa mú un balẹ̀,+ ó sì lè kú lọ́jọ́ kan+ tàbí kó lọ sójú ogun kó sì kú síbẹ̀.+