31 Ó mà ṣe fún àwọn tó ń wá ìrànlọ́wọ́ lọ sọ́dọ̀ Íjíbítì o,+

Tí wọ́n gbójú lé ẹṣin,+

Tí wọ́n gbẹ́kẹ̀ lé kẹ̀kẹ́ ogun, torí pé wọ́n pọ̀,

Àti àwọn ẹṣin ogun,* torí pé wọ́n lágbára.

Wọn ò yíjú sí Ẹni Mímọ́ Ísírẹ́lì,

Wọn ò sì wá Jèhófà.

 3 Àmọ́ èèyàn lásán ni àwọn ará Íjíbítì, wọn kì í ṣe Ọlọ́run;

Ẹran ara ni àwọn ẹṣin wọn ní, wọn kì í ṣe ẹ̀mí.+

Tí Jèhófà bá na ọwọ́ rẹ̀,

Ẹnikẹ́ni tó bá ranni lọ́wọ́ máa kọsẹ̀,

Ẹnikẹ́ni tí wọ́n bá sì ràn lọ́wọ́ máa ṣubú;

Gbogbo wọn máa ṣègbé lẹ́ẹ̀kan náà.