• Ẹ́sírà 1:1, 2
    Bíbélì Mímọ́ ti Ìtumọ̀ Ayé Tuntun

    • 1 Ní ọdún kìíní Kírúsì+ ọba Páṣíà, kí ọ̀rọ̀ tí Jèhófà gbẹnu Jeremáyà+ sọ lè ṣẹ, Jèhófà ta ẹ̀mí Kírúsì ọba Páṣíà jí láti kéde ní gbogbo ìjọba rẹ̀, ó sì tún kọ ọ́ sílẹ̀+ pé:

      2 “Ohun tí Kírúsì ọba Páṣíà sọ nìyí, ‘Jèhófà Ọlọ́run ọ̀run ti fún mi ní gbogbo ìjọba ayé,+ ó sì pàṣẹ fún mi pé kí n kọ́ ilé fún òun ní Jerúsálẹ́mù,+ tó wà ní Júdà.

  • Àìsáyà 45:1
    Bíbélì Mímọ́ ti Ìtumọ̀ Ayé Tuntun

    • 45 Ohun tí Jèhófà sọ fún ẹni tó yàn nìyí, fún Kírúsì,+

      Ẹni tí mo di ọwọ́ ọ̀tún rẹ̀ mú,+

      Láti tẹ àwọn orílẹ̀-èdè lórí ba níwájú rẹ̀,+

      Láti gba ohun ìjà* àwọn ọba,

      Láti ṣí àwọn ilẹ̀kùn aláwẹ́ méjì níwájú rẹ̀,

      Kí wọ́n má sì ti àwọn ẹnubodè:

  • Jeremáyà 50:9
    Bíbélì Mímọ́ ti Ìtumọ̀ Ayé Tuntun

    •  9 Nítorí wò ó, màá gbé àwọn orílẹ̀-èdè ńlá dìde láti ilẹ̀ àríwá

      Màá sì mú kí wọ́n gbéjà ko Bábílónì.+

      Wọ́n á tò lọ́wọ̀ọ̀wọ́ láti gbógun tì í;

      Ibẹ̀ ni wọ́n á ti gbà á.

      Ọfà wọn dà bíi ti jagunjagun

      Tó ń múni ṣòfò ọmọ;+

      Wọn kì í pa dà wá lọ́wọ́ òfo.