Sáàmù

67 Ọlọ́run yóò ṣojú rere sí wa, yóò sì bù kún wa;

Yóò mú kí ojú rẹ̀ tàn sí wa lára+ (Sélà)

 2 Kí àwọn èèyàn lè mọ ọ̀nà rẹ ní gbogbo ayé+

Àti àwọn iṣẹ́ ìgbàlà rẹ láàárín gbogbo orílẹ̀-èdè.+

 3 Kí àwọn èèyàn máa yìn ọ́, Ọlọ́run;

Kí gbogbo àwọn èèyàn máa yìn ọ́.

 4 Kí inú àwọn orílẹ̀-èdè máa dùn, kí wọ́n sì máa kígbe ayọ̀,+

Nítorí wàá ṣèdájọ́ àwọn èèyàn lọ́nà tó tọ́.+

 5 Kí àwọn èèyàn máa yìn ọ́, Ọlọ́run;

Kí gbogbo àwọn èèyàn máa yìn ọ́.

 6 Ilẹ̀ yóò mú èso jáde;+

Ọlọ́run, àní Ọlọ́run wa, yóò bù kún wa.+

 7 Ọlọ́run yóò bù kún wa,

Gbogbo ayé yóò sì máa bẹ̀rù rẹ̀.*+