Ẹ̀DÀ TÓ WÀ FÚN ÌKẸ́KỌ̀Ọ́

ÀWỌN ÀPILẸ̀KỌ FÚN ÌKẸ́KỌ̀Ọ́

▪ ‘Kò Sí Ohun Ìkọ̀sẹ̀’ fún Àwọn Tó Nífẹ̀ẹ́ Jèhófà

Gbogbo àwa Kristẹni là ń sá eré ìje ìyè àìnípẹ̀kun. Àmọ́, torí pé a jẹ́ aláìpé, gbogbo wa la máa ń kọsẹ̀. Àpilẹ̀kọ yìí ṣàlàyé àwọn ohun márùn-ún tó lè mú ká kọsẹ̀. Ó tún ṣàlàyé bá a ṣe lè sá fún wọn ká lè sá eré ìje náà dé ìparí.

▪ Ǹjẹ́ Ó Wù Ẹ́ Láti Mọ Jèhófà?

Ọ̀pọ̀ nǹkan ni ìwé Jeremáyà sọ fún wa nípa ọkàn ìṣàpẹẹrẹ. Nínú àpilẹ̀kọ yìí, a máa mọ ohun tí ‘àìdádọ̀dọ́ ọkàn-àyà’ túmọ̀ sí àti ewu tó wà níbẹ̀ táwa Kristẹni bá ní irú ọkàn bẹ́ẹ̀. Bákan náà, a tún máa kẹ́kọ̀ọ́ nípa bá a ṣe lè mọ Jèhófà.—Jer. 9:26; 24:7.

▪ Ní Báyìí Tá A Ti “Wá Mọ Ọlọ́run”—Kí Ló Kàn?

Àwọn ìgbésẹ̀ wo la gbé ká lè mọ Ọlọ́run, kí Ọlọ́run sì lè mọ̀ wá? Bó bá tiẹ̀ ti pẹ́ tá a ti ṣèrìbọmi, báwo la ṣe lè máa tẹ̀ síwájú? Kí sì nìdí tó fi yẹ ká máa tẹ̀ síwájú? A máa rí ìdáhùn sí àwọn ìbéèrè yìí nínú àpilẹ̀kọ yìí.

▪ Jèhófà Ni Ibùgbé Wa

Inú ayé táwọn èèyàn ti kórìíra wa là ń gbé, àmọ́ kò yẹ ká máa bẹ̀rù. Nínú àpilẹ̀kọ yìí, a máa rí i pé gbogbo ìgbà ni Jèhófà ń dáàbò bo àwọn èèyàn rẹ̀.

▪ Máa Gbé Orúkọ Ńlá Jèhófà Ga

Kí ló túmọ̀ sí láti mọ orúkọ Ọlọ́run? Kí ló túmọ̀ sí láti máa rìn ní orúkọ Jèhófà? Ojú wo sì ni Ọlọ́run fi ń wo àwọn tí kò bá bọ̀wọ̀ fún orúkọ rẹ̀? A máa rí ìdáhùn sí àwọn ìbéèrè yìí nínú àpilẹ̀kọ yìí.