Ẹ̀DÀ TÓ WÀ FÚN ÌKẸ́KỌ̀Ọ́

A lè fi hàn pé a moore ká sì máa ṣe bẹ́ẹ̀ nìṣó tá a bá ń ṣàṣàrò lórí àwọn ohun tí Jèhófà ti ṣe fún wa tá a sì ń dúpẹ́ lọ́wọ́ rẹ̀. Tá a bá ń dúpẹ́, a ò ní ya aláìmoore, àá sì lè fara da àwọn àdánwò tá a bá dojú kọ. Ẹsẹ Ìwé Mímọ́ wa ti ọdún 2015 máa jẹ́ kí èyí máa ró gbọnmọgbọnmọ lọ́kàn wa jálẹ̀ ọdún yìí.

Àpilẹ̀kọ yìí sọ ìdí pàtàkì tá a fi gbọ́dọ̀ máa ṣe Ìrántí Ikú Kristi. Ó sọ ohun tí búrẹ́dì àti wáìnì tí à ń lò nígbà Ìrántí Ikú Kristi ń ṣàpẹẹrẹ, ó sì jẹ́ ká mọ bí ẹnì kan ṣe lè mọ̀ bóyá ó yẹ kí òun jẹ àwọn ohun ìṣàpẹẹrẹ náà tàbí kò yẹ. Àpilẹ̀kọ yìí tún máa jẹ́ kí ẹnì kọ̀ọ̀kan wa mọ bá a ṣe lè múra sílẹ̀ de Oúnjẹ Alẹ́ Olúwa.

Ìdẹwò àti ìṣòro túbọ̀ ń dojú kọ àwọn tọkọtaya. Àmọ́ lọ́lá Jèhófà, wọ́n lè ṣera wọn lọ́kan, kí wọ́n sì láyọ̀. Àpilẹ̀kọ àkọ́kọ́ sọ ohun márùn-ún ọ̀tọ̀ọ̀tọ̀ tá a lè pè ní búlọ́ọ̀kù tẹ̀mí tó máa mú kí tọkọtaya ṣe ara wọn lọ́kan kí ìgbéyàwó wọn lè wà pẹ́ títí. Àá tún jíròrò ohun tá a lè fi wé sìmẹ́ǹtì tó máa mú kí àárín tọkọtaya túbọ̀ gún régé. Àpilẹ̀kọ kejì dá lórí bí tọkọtaya ṣe lè dáàbò bo ìgbéyàwó wọn.

Báwo ló ṣe máa ń rí tí ọkùnrin àti obìnrin kan bá ní ìfẹ́ tòótọ́ láàárín ara wọn? Ǹjẹ́ ó ṣeé ṣe kí ìfẹ́ wà pẹ́ títí? Báwo ni tọkọtaya ṣe lè fi irú ìfẹ́ yìí hàn síra wọn? Jẹ́ ká wo ohun tí Orin Sólómọ́nì kọ́ wa nípa ìfẹ́ tó lè wà pẹ́ títí.