Nǹkan Tó O Lè Fi Dá Kẹ́kọ̀ọ́ Tàbí Ṣe Ìjọsìn Ìdílé

A máa ń jọ́sìn Jèhófà pa pọ̀ láwọn ìpàdé ìjọ, àpéjọ àyíká àti àpéjọ agbègbè. Yàtọ̀ síyẹn, ẹnì kọ̀ọ̀kan wa máa ń dá kẹ́kọ̀ọ́ tàbí ṣe ìjọsìn ìdílé. O lè lo àwọn àbá tó wà nísàlẹ̀ yìí láti fi dá kẹ́kọ̀ọ́ tàbí ṣe ìjọsìn ìdílé:

• Múra ìpàdé sílẹ̀. O lè fi àwọn orin tá a máa kọ nípàdé dánra wò, kó o sì rọ ẹnì kọ̀ọ̀kan nínú ìdílé yín pé kí wọ́n múra ìdáhùn kan sílẹ̀.

• Ka ìtàn Bíbélì kan. Lẹ́yìn náà, ya àwòrán ohun tó ṣẹlẹ̀ nínú ìtàn yẹn tàbí kó o ṣàkọsílẹ̀ ohun tó o kọ́.

• Ka àdúrà tẹ́nì kan gbà nínú Bíbélì, kó o sì wo bíyẹn ṣe lè jẹ́ kí àdúrà ẹ sunwọ̀n sí i.

• Wo fídíò kan tí ètò Ọlọ́run ṣe, lẹ́yìn náà kó o sọ ohun tó o kọ́ níbẹ̀ fáwọn ẹlòmíì tàbí kó o ṣàkọsílẹ̀ ohun tó o kọ́.

• Múra ohun tó o fẹ́ sọ lóde ìwàásù sílẹ̀, o sì lè fi dánra wò.

• Kíyè sí àwọn nǹkan tí Jèhófà dá, kó o sì ṣàṣàrò lórí wọn tàbí kó o sọ ohun táwọn nǹkan yẹn kọ́ ẹ nípa Jèhófà fáwọn èèyàn.a