Aláyọ̀ Ni Àwọn Aláàánú!

1. Ayọ̀ aláàánú ti pọ̀ tó!

Wọ́n lẹ́wà lójú Ọlọ́run.

Wọ́n ńsọ fáwọn tó fẹ́ òótọ́

Pé Ọlọ́run fẹ́ràn àánú.

Ọlọ́run tipasẹ̀ Jésù,

Pèsè ìràpadà fún wa.

Ó ńṣàánú ọlọ́kàn tútù

Ó mọ àìlera wa dunjú.

2. Àwọn aláàánú níbùkún,

Ìdáríjì ńtù wọ́n nínú.

Wọ́n ńráàánú gbà torí Kristi

Wá síbi ìtẹ́ Ọlọ́run.

Wọ́n ńfi ayọ̀ pín àánú náà

Wọ́n sì ń wàásù Ọ̀rọ̀ náà,

Wọ́n ńsọ fáyé: “Ẹ tújú ká,

Torí Ìjọba náà ti dé.”

3. Aláà’nú yóò rójú rere

Jèhófà nígbà ìdájọ́.

Wọn yóò rí àánú Ọlọ́run,

Torí pé wọ́n ti ńṣe àánú.

Torí náà ẹ jẹ́ aláàánú

Kí àánú wa sì máa pọ̀ síi.

Ọlọ́run òun Kristi ṣe bẹ́ẹ̀;

Ká máa ṣàánú lójoojúmọ́.