Jẹ́ Onínú Tútù Bíi Kristi

1. Jésù Kristi Olúwa ló lọ́lá jù;

Àmọ́ kò lépa ipò gíga rárá.

Ó kópa ńlá kífẹ̀ẹ́ Ọlọ́run lè ṣẹ;

Síbẹ̀ ẹni rírẹlẹ̀ lọ́kàn ló jẹ́.

2. Gbogbo ẹ̀yin tí làálàá ti wọ̀ lọ́rùn,

Ó ní kẹ́ẹ wá sábẹ́ àjàgà tòun.

Bẹ́ẹ bá ńwá Ìjọba náà, ẹóò rítura.

Kristi nínú tútù, ó fẹ́ oń’rẹ̀lẹ̀.

3. Jésù Olúwa sọ pé ará la jẹ́.

Má ṣe wá ipò ńlá; sin àwọn ará.

Ọlọ́run ka onínú tútù sí gan-an;

Ó ṣèlérí pé wọn yóò jogún ayé.