Ká Máa Fún Ara Wa Níṣìírí

1. Báa ti ńfún ara wa níṣìírí

Ká lè jọ máa sin Jèhófà,

Ìdè ìfẹ́ wa ńlágbára síi;

Iṣẹ́ rere ńbí àlàáfíà.

Ìfẹ́ àárín àwa Kristẹni

Ló ńjẹ́ ká lè nífaradà.

Ibi ààbò ni ìjọ wa jẹ́,

Ọkàn wa máa ńbalẹ̀ níbẹ̀.

2. Ọ̀rọ̀ táa sọ lákòókò tó yẹ

Mà ńtuni lára púpọ̀ o!

Ọ̀rọ̀ ìtùnú bẹ́ẹ̀ la máa ńgbọ́

Lẹ́nu àwọn ọ̀rẹ́ tòótọ́.

Ó mà dára ká máa ṣiṣẹ́ pọ̀o

Àwa tírètí wa jọra!

A máa ń fún ara wa lókun,

A ńjùmọ̀ gbẹ́rù tó wúwo.

3. Bí a ṣe ńfojú ìgbàgbọ́ ríi

Tọ́jọ́ Jèhófà ńsún mọ́lé,

A gbọ́dọ̀ máa pàdé pọ̀ déédéé

Ká lè máa rìn lọ́nà ìyè.

Báa ṣe ńfìṣọ̀kan sin Jèhófà,

A fẹ́ máa sìnín títí ayé.

A jọ ńfún ara wa níṣìírí

Ká lè pa ìwà títọ́ mọ́.