“Láti Ilé dé Ilé”

1. À ń wàásù Ọ̀rọ̀ Ọlọ́run

Láti ilé délé.

Iṣẹ́ ìwàásù wa ń kárí

Gbogbo ilẹ̀ ayé.

Tọmọdé tàgbà wa ló ń ṣe

Iṣẹ́ pàtàkì yìí.

Káwọn èèyàn bàa lè mọ̀ pé

Jésù ti ń ṣàkóso.

2. Báwo laráyé ṣe máa gbọ́

Láìsí oníwàásù?

Báwo ni wọ́n ṣe máa ké pe

Ẹni tí wọn kò mọ̀?

Ó pọn dandan fún wa láti

Kọ́ wọn lọ́r’Ọlọ́run.

Iṣẹ́ ìwàásù tá à ń ṣe yìí

Máa jẹ́ kí wọ́n gbà là.

3. Kí gbogbo wa lọ máa wàásù

Ìròyìn ayọ̀ náà.

Ó kù sọ́wọ́ àwọn èèyàn

Láti yàn fúnra wọn.

Ká jẹ́ kí gbogbo aráyé

Morúkọ Jèhófà,

Kí wọ́n sì fìyìn fún Jésù

Àti Ìjọba Rẹ̀.