Jèhófà Ń Dáàbò Bo Àwọn Èèyàn Rẹ̀

Àkókò mánigbàgbé ni Ìrékọjá tó kọ́kọ́ wáyé jẹ́. Lẹ́yìn tí Fáráò rí i pé àkọ́bí òun ti kú lálẹ́ ọjọ́ yẹn, ó sọ fún Mósè pé: “Ẹ gbéra, ẹ kúrò láàárín àwọn èèyàn mi, ẹ̀yin àti àwọn ọmọ Ísírẹ́lì yòókù. Ẹ lọ sin Jèhófà bí ẹ ṣe sọ.” (Ẹk 12:31) Jèhófà jẹ́ kó ṣe kedere pé òun máa ń dáàbò bo àwọn èèyàn òun.

Bákan náà lónìí, ìtàn àwa èèyàn Jèhófà jẹ́ kó ṣe kedere pé Jèhófà ṣì ń tọ́ àwọn èèyàn rẹ̀ sọ́nà, ó sì ń dáàbò bò wọ́n. A rí ẹ̀rí èyí níbi àfihàn kan tá a pè ní “Àwọn Èèyàn fún Orúkọ Jèhófà” ní oríléeṣẹ́ wa.

WO FÍDÍÒ NÁÀ IBI TÁ À TI Ń ṢÀFIHÀN ÌṢẸ́ WA NÍ ORÍLÉEṢẸ́ FI HÀN PÉ A JẸ́ “ÀWỌN ÈÈYÀN FÚN ORÚKỌ JÈHÓFÀ,” LẸ́YÌN NÁÀ, DÁHÙN ÀWỌN ÌBÉÈRÈ YÌÍ:

• 

  Fídíò mánigbàgbé wo làwọn Akẹ́kọ̀ọ́ Bíbélì gbé jáde lọ́dún 1914 káwọn èèyàn lè túbọ̀ nígbàgbọ́ nínú Bíbélì, àṣeyọrí wo sì ni èyí mú wá?

• 

  Àwọn nǹkan wo ló ṣẹlẹ̀ lọ́dún 1916 àti 1918 tó dán àwọn Akẹ́kọ̀ọ́ Bíbélì wò, kí ló sì jẹ́ kó ṣe kedere pé Jèhófà ló ń darí ètò yìí?

• 

  Báwo láwọn èèyàn Jèhófà ṣe dúró gbọin-in láìka àtakò sí?

• 

  Òye tuntun wo làwọn èèyàn Jèhófà ní lọ́dún 1935, kí lèyí sì mú kí wọ́n ṣe?

• Tó bá jẹ́ pé o ti ṣèbẹ̀wò síbi àfihàn yìí rí tàbí o ti lọ sí èyí tó wà ní ẹ̀ka ọ́fíìsì yín, kí lo rí níbẹ̀ tó mú kó o túbọ̀ nígbàgbọ́ pé Jèhófà ló ń darí àwọn èèyàn rẹ̀, tó sì ń dáàbò bò wọ́n?