Ẹ̀rí Tó Fi Hàn Pé Ọmọ Ẹ̀yìn Kristi Ni Wá

1. Òfin kan wà fáwa Kristẹni.

Gbogbo wa la gbọ́dọ̀ tẹ̀ lée.

Ọba òfin látòkè wá ni;

Òun nìfẹ́ tí Kristi kọ́ wa.

Ìfẹ́ Kristi Olúwa pọ̀ gan-an;

Ó fẹ̀mí rẹ̀ rúbọ fún wa.

Ó fàpẹẹrẹ pípé lélẹ̀ fún wa,

Ká tẹ̀ lée bí ọmọ ẹ̀yìn.

2. Ìfẹ́ tòótọ́ tí kìí kùnà láé,

Ó ńṣèrànwọ́ fáláìlera.

Gbogbo wa la jẹ gbèsè ìfẹ́,

Ojoojúmọ́ la ó máa sanán.

Kò síbòmíràn táa ti lè rí

Ọ̀rẹ́ tó nírú ìfẹ́ yìí.

Ó dájú pé ìfẹ́ ló so wá pọ̀;

Ẹ jẹ́ ká jọ máa lo ìfẹ́.