Ẹ Wà Lójúfò, Ẹ Dúró Gbọn-in, Ẹ Di Alágbára

1. Wà lójúfò dúró gbọn-in gbọn-in,

Pinnu láti fara dà.

Ẹ ṣe bí akin ọkùnrin,

Torí ìṣẹ́gun dájú.

Àṣẹ Kristi Jésù la ńtẹ̀ lé,

A dúró gbọn-in gbọn-in ní ẹ̀yìn rẹ̀.

2. Wà lójúfò, ronú jinlẹ̀,

Múra láti ṣègbọràn.

Fiyè sí ìtọ́ni Kristi

Tẹ́rú olóòótọ́ ńfúnni.

Gba ìmọ̀ràn àwọn alàgbà,

Tó ńdáàbò bàgùntàn òun òótọ́.

3. Wà lójúfò, wà níṣọ̀kan

Báa ti ńsọ ìhìn rere.

Àwọn ọ̀tá lè gbéjà kòó,

Aó wàásù títí dópin.

Ẹ kọrin ìyìn kárí ayé.

Wòó! Ọjọ́ Jèhófà ti dé tán!