Ẹ Wá Gba Ìtura!

1. Ayé yìí ti ṣìnà, ó dorí kodò;

Wọn kò mọ ọ̀nà Ọlọ́run.

A nílò amọ̀nà táá máa darí wa;

A kò lè darí ara wa.

Ìpàdé la ti ńrítura, ìrètí;

Ó ńfún ìgbàgbọ́ wa lókun.

Ó ńmú ká gbọ́rọ̀ tó ńmú wa ṣe rere,

A ńgba okun táa fi ńbá a lọ.

A kò jẹ́ pa àṣẹ Jèhófà tì láé;

Ìfẹ́ rẹ̀ gan-an la fẹ́ máa ṣe.

Ìpàdé wa ńfi ọ̀nà tó tọ́ hàn wá;

Ìfẹ́ táa ní fóòótọ́ ńdọ̀tun.

2. Jèhófà mọ ohun tó yẹ wá dáadáa;

Ó yẹ ká gbọ́ ìmọ̀ràn rẹ̀.

Táa bá ńri dájú pé a ńlọ sípàdé,

Ọgbọ́n àtìgbàgbọ́ la ní.

Ìtọ́ni àwọn tó bẹ̀rù Ọlọ́run

Ńkọ́ wa báa ṣe lè lògbàgbọ́.

Ìrànwọ́ ẹgbẹ́ ará kárí ayé

Ńjẹ́ ká mọ̀ pé aò nìkan wà.

Bí a sì ṣe ńwọ̀nà fún ìgbà ọ̀tun,

Aó báwọn táa nífẹ̀ẹ́ pàdé.

Nípàdé yìí laó sì ti kọ́ báó ṣe máa

Lo ọgbọ́n tó ti ọ̀run wá.