Àdúrà Ìdúpẹ́

1. Jèhófà Olóore, ọpẹ́ yẹ ọ́.

Ìwọ Ọba aláṣẹ la ńké pè.

A tẹrí ba, Olùgbọ́ àdúrà,

A fi ara wa sábẹ́ ìṣọ́ rẹ.

’Joojúmọ́ làṣìṣe ńfàìpé wa hàn;

A ńtọrọ ìdáríjì ẹ̀ṣẹ̀ wa.

Wòó! Ẹ̀jẹ̀ ọmọ rẹ lo fi rà wá.

Ìfẹ́ ọkàn wa ni pé kóo kọ́ wa.

2. Aláyọ̀ làwọn tóo yàn wá sínú

Àgbàlá ìtọ́ni, ìmọ́lẹ̀ rẹ.

F’Ọ̀rọ̀ rẹ kọ́ wa, kí a lè mọ̀ ọ́.

Inú tẹ́ńpìlì rẹ ńbí la fẹ́ gbé.

Ẹ̀rù jẹ̀jẹ̀ lọwọ́ agbára rẹ,

Ó ńfáwa ìránṣẹ́ rẹ nígboyà.

’Jọba rẹ la ńgbé ga Olùgbàlà.

Aó máa wàásù rẹ̀, kì yóò kùnà láé.

3. Jẹ́ kí ojú rere rẹ máyọ̀ kún;

Kí ìjọsìn rẹ dé gbogbo ayé.

O foore dé Ìjọba rẹ ládé,

Àìsàn, ikú òun ’bànújẹ́ pa rẹ́.

Ọmọ rẹ yóò pa ìwà ibi run;

Ẹ̀dá tóo bù kún yóò hó fún ayọ̀.

Kígbe ìṣẹ́gun, Ẹ kọrin ọpẹ́:

“Ìyìn fún Jèhófà, Ọba Ògo!”