Ẹgbẹẹgbẹ̀rún Àwa Ará

1. Ẹgbẹẹgbẹ̀rún àwa ará,

Gbogbo ayé ńwò wá,

Ẹlẹ́rìí òótọ́ ni wá,

A ńdìwà títọ́ mú.

Ẹgbẹẹgbẹ̀rún ni a jẹ́,

Ogunlọ́gọ̀ ńlá,

Láti gbogbo orílẹ̀-èdè,

A ńyin Ọlọ́run wa.

2. Ẹgbẹẹgbẹ̀rún àwa ará,

Ńwàásù jákèjádò

‘Ìhìn rere tó dára,’

Tọ́pọ̀ èèyàn fẹ́ gbọ́.

Báa sì ṣe ńwàásù nìṣó,

Ó ńrẹ̀ wá nígbà míì,

Jésù ńtu ọkàn tó rẹ̀ lára;

Ó ńfún wa nísinmi.

3. Ẹgbẹẹgbẹ̀rún àwa ará,

Ọlọ́run ló ńṣọ́ wa,

Níbùjọsìn rẹ̀ láyé,

A ńsìn tọ̀sán-tòru.

Ẹgbẹẹgbẹ̀rún ni a jẹ́,

A ńwàásù Ìjọba,

Alábàáṣiṣẹ́ Ọlọ́run wa,

Tó ńsìnín láyé níbí.