Jèhófà, Ọlọ́run Àlàáfíà

1. Jèhófà Ọlọ́run

Àlàáfíà àti ìfẹ́.

Fún wa lálàáfíà, ìtura,

Késo rere lè pọ̀ síi.

A ńfẹ́ ìmọ̀ràn rẹ;

Ọmọ rẹ lo fi rà wá.

Jọ̀wọ́ fún wa lálàáfíà rẹ

Tó ta gbogbo èrò yọ.

2. Ayé ńwá àlàáfíà.

Bẹ́ẹ̀ ni wọ́n ńfa wàhálà.

Ṣùgbọ́n òjò àlàáfíà ńrọ̀

Sórí àwọn èèyàn rẹ.

Báa ṣe ńmọ ìfẹ́ rẹ

Táa sì ńmú ẹ̀jẹ́ wa ṣẹ,

Jọ̀wọ́ fìbùkún síṣẹ́ wa,

Ká lẹ́mìí àlàáfíà síi.

3. Ẹ̀mí ńlà wá lójú

B’Ọ́rọ̀ rẹ ti ńtànmọ́lẹ̀.

Wọ́n ńdáàbò bò wá, wọ́n ńtọ́ wa

Nínú òkùnkùn ayé.

Kí ìrì àlàáfíà

Máa tu ọkàn wa lára,

Kí’wọ lè mú kí ọkàn wa

Balẹ̀, ká wà láìléwu.