Mavanga Maku Malenda Vanga Disuasana

Zikhadulu zimboti zi bakieto balonguka kiedika ziawu khumbu zinkaka zinsadisanga banuni bawu kuba zimbangi zi Yave. Vayi ḿba nkieto beni wukuela kalenda viokila mu mambu maphasi mu mimvu miwombo. (1 Petelo 2:21-23; 3:1, 2) Ti mawu wumviokila, tatamana kununga mambi mu mamboti. (Loma 12:21) Zikhadulu ziaku zimboti zilenda luta vana kimbangi kuvioka mambu wunkoluka.

Tomba kuvisa mayindu ma nnuni’aku. (Filipi 2:3, 4) Wukitula va kibuangu kiandi ayi ba nkua kiadi. Ba mutu wunkuwanga buboti. (Yakobi 1:19) Ba mvibudulu ayi monisa luzolo widi mu nandi. Kheti nnuni’aku kavanganga ko mawu, ba lufiatu ti Yave wumvuanga nkinza zikhadulu ziaku zimboti.—1 Petelo 2:19, 20.

TALANU VIDEO YINTUBA  YAVE WUTUKINDISANGA MUINGI TUNUNGA ZITHOTOLO, BOSI VUTULANU MIMVUTU MI BIUVU BINLANDA:

• Buidi bubela luzingu lu Grace Li va thonono dikuela diandi?

• Mbi bimvanga kavua nkinza kiedika ki Kibibila?

• Zithotolo mbi kaviokila bo kamana kubotama? Vayi mbi nandi kasa bika ko kuvanga?

• Mambu mbi kadinda mu nsambu matedi nnuni’andi?

• Lusakumunu mbi khomba Grace katambula mu kibila ki zikhadulu ziandi zimboti ayi lukinzu lungolo kaba?