1 Tesalonicenses
4 Bey túunoʼ, sukuʼuneʼex, toʼoneʼ tsʼoʼok k-kaʼansikteʼex bix unaj a kuxtaleʼex utiaʼal ka lúubkeʼex utsil tiʼ Dios.+ Tsʼoʼok k-ilkeʼ teʼexeʼ bey táan a beetkeʼexoʼ. Chéen baʼaleʼ beoraaʼ k-kʼáatikteʼex tu yoʼolal Yuumtsil Jesúseʼ cada kʼiin ku máaneʼ ka maas maʼalobchajak bix a kuxtaleʼex tu táan Dios. 2 Tumen teʼexeʼ a wojleʼexeʼ le baʼaxoʼob t-aʼalajteʼexoʼ tiʼ Yuumtsil Jesús u taal.
3 Tumen Dioseʼ u kʼáat ka pʼáatkeʼex santoil+ yéetel ka a náachkuntabaʼex tiʼ le núupkʼebanoʼ.*+ 4 Cada juntúul tiʼ teʼexeʼ unaj u kanik u controlart u wíinklil,+ bey túunoʼ yaan u pʼáatal santoil+ yéetel yaan u lúubul utsil tiʼ Dios.* 5 Teʼexeʼ maʼ unaj u píitmáan a tsʼíiboltkeʼex a sen núupchitaleʼex+ jeʼex u beetik le j-táanxel luʼumiloʼob maʼ u kʼaj óoloʼob Diosoʼ.+ 6 Mix máak unaj u beetik kʼaas tiʼ u sukuʼun mix u bin tu contra le derecho yaantiʼoʼ, tumen jeʼex tsʼoʼok k-aʼalikteʼex yéetel tsʼoʼok k-kaʼansikteʼexoʼ Jéeobaeʼ ku castigartik le máaxoʼob beetik le baʼaloʼobaʼ. 7 Tumen Dioseʼ maʼ tu tʼanoʼon utiaʼal ka k-bis junpʼéel kuxtal kʼaas tu táaniʼ, baʼaxeʼ utiaʼal ka pʼáatkoʼon santoil.+ 8 Le oʼolaleʼ le máax maʼ tu tsʼoʼokbesik le kaʼansajaʼ maʼ tiʼ wíinik ku beetik u j-maʼ uʼuyajtʼaaniliʼ, baʼaxeʼ tiʼ Dios,+ le máax tsʼáaikteʼex espíritu santooʼ.+
9 Chéen baʼaleʼ maʼ kʼaʼabéet k-tsʼíibtikteʼex mix baʼal tu yoʼolal le yaabilaj yaan ichil sukuʼuntsiloʼoboʼ,+ tumen teʼexeʼ Dios kaʼanskeʼex utiaʼal ka a paklan yaabiltabaʼex.+ 10 U jaajileʼ teʼexeʼ táan a yaabiltikeʼex tuláakal le sukuʼunoʼob yanoʼob tiʼ tuláakal u luʼumil Macedoniaoʼ. Chéen baʼaleʼ, sukuʼuneʼex, k-sen aʼalikteʼex ka maas nojochchajak a yaabilajeʼex. 11 Ilawil a kuxtaleʼex ich jeetsʼelil,+ maʼ a woksikabaʼex tu kuxtal u maasil+ yéetel ilawil a meyajeʼex yéetel a kʼabeʼex+ jeʼex t-aʼalajteʼexoʼ. 12 Beyoʼ le máaxoʼob minaʼanoʼob ichil le múuchʼuliloʼ yaan u yilkoʼob táan a kuxtaleʼex jeʼex unajeʼ+ yéetel maʼ tu bineltikteʼex mix baʼal.
13 Tsʼoʼoleʼ, sukuʼuneʼex, k-kʼáat ka a wojéelteʼex baʼax kun úuchul yéetel le kimenoʼoboʼ*+ utiaʼal maʼ u sen yaatal a wóoleʼex jeʼex u yúuchul tiʼ le máaxoʼob ku tuklikoʼob tsʼoʼok tiʼ máak beyoʼ.+ 14 Toʼoneʼ k-creertik kíim Jesús yéetel kaʼa kuxkíintaʼabi,+ le oʼolal k-creertik xaneʼ le máaxoʼob tsʼoʼok u kíimloʼob ikil u tsaypachtikoʼob Jesúsoʼ yaan xan u kaʼa kuxkíintaʼaloʼob tumen Dios utiaʼal ka yanakoʼob yéetel Jesús.+ 15 Tu kʼaabaʼ Jéeoba k-aʼalikteʼex lelaʼ: toʼon máaxoʼon kuxaʼanoʼon tak tu kʼiinil way yaan Yuumtsileʼ yaan k-líiʼsaʼal teʼ kaʼanoʼ, chéen baʼaleʼ le máaxoʼob tsʼoʼok u kíimloʼoboʼ letiʼob kun yáax líiʼsbiloʼob, le kéen tsʼoʼokkeʼ toʼoneʼex. 16 Yuumtsileʼ yaan u yéemel desde teʼ kaʼan táan u tʼaan yéetel autoridad jeʼex u tʼaan juntúul arcángeleʼ,*+ yéetel yaan u yuʼubaʼal u juum u trompeta Dios. Teʼ súutuk túun jeʼeloʼ le u discípuloʼob Cristo kimenoʼoboʼ letiʼob kun yáax líikʼloʼob.+ 17 Ku tsʼoʼokoleʼ, toʼon máaxoʼon púutsʼoʼon tiʼ le kíimiloʼ, yaan k-téek bisaʼal junmúuchʼ tu yéeteloʼob ichil le múuyaloʼob+ utiaʼal ka k-ilba yéetel Yuumtsil+ teʼ kaʼanoʼ. Bey túunoʼ mantatsʼ ken k-antal tu yiknal Yuumtsil.+ 18 Le oʼolaleʼ seguernak a paklan líiʼsik a wóoleʼex yéetel le baʼaxoʼob tsʼoʼok k-aʼalikteʼexoʼ.