XI GÚNILUʼ ORA QUIBAʼ LU GUIRÁʼ COSA

Gunna nuu cosa ni qué zanda gucueezaluʼ

Zándaca qué zudiʼnu cuenta ora ziguiʼbaʼ lu guiráʼ cosa, jmaruʼ si pa laaca ziguiʼbaʼ biaʼ riáxanu. Peru pa málasi nagueenda quibaʼ lu guiráʼ cosa ne qué quibaʼ biaʼ riáxanu, zándaca ziuʼnu xizaa ne qué zadxélanu xi gúninu, jmaruʼ si pa nápanu familia.

Gastiʼ zanda gúninu para maʼ cadi quibaʼ lu ca cosa ca, peru ra gánnanu nuu cosa ni qué zanda gúninu, zacaneni laanu stale.

NI JMA RISACA GÚNINU

Ra gánnanu gastiʼ qué zanda gúninu para maʼ cadi quibaʼ lu ca cosa ca, zacaneni laanu:

Gucueezanu laanu. Ora nuudxi tobi, jma jneza modo riníʼ ique ne ricaa decisión galán.
Gúninu ni jneza. Ni jma jneza gúninu nga quíxenu ca cosa ni riquíʼñenu ne cadi quítenu xpuéltunu.
Cadi tindenenu familia stinu runi bueltu.
Guiníʼ íquenu ximodo iquíʼñenu xpuéltunu ne guidúʼyanu gunáʼ peʼ nga ni caquiiñeʼ sinu.

NI ZANDA GÚNILUʼ

Biʼniʼ stipa guiaaluʼ. Ora nabé caguiʼbaʼ lu guiráʼ cosa, ni jma jneza nga cadi tan gúniluʼ stale gastu. Nuu binni racalaʼdxiʼ gapa o siʼ cosa, cásica biʼniʼ ni dxi gupa bueltu. Peru pa guni tuuxa zacá la? zeeda gácani casi ñaca nixuubaʼ ndaaniʼ ti guiiguʼ ni nabé nadipaʼ corriente stiʼ: qué nibeendú diʼ gastiʼ ne nabé nidxaga. Neca cadi malu chuʼ binni xizaa pur familia stiʼ ne gacalaʼdxiʼ gudii guiráʼ ni caquiiñecabe la? cadi guiaandaʼ laanu, ni jma caquiiñeʼ cada tobi de laacabe nga gannaxhiinu laacabe, cueenu tiempu para laacabe ne guizaaláʼdxiluʼ laacabe.

«¿Ñee nuu tobi de laatu zanda guibani jma pur chuʼ xizaa la?» (Lucas 12:25, Nueva Traducción Viviente).

«Cadi lica chuʼtu xizaa xi gaca guixíʼ, purtiʼ guixiruʼ nga gúʼyatu xi cuʼ xizaa laatu. Guyuu conforme né ca problema si stiʼ cada dxi» (Mateo 6:34).

Gacalaʼdxiʼ tuuxa gapa o siʼ cosa, cásica biʼniʼ ni dxi gupa bueltu, zeeda gácani casi ñaca nixuubaʼ ndaaniʼ ti guiiguʼ ni nabé nadipaʼ corriente stiʼ.