Ora raca ti desastre natural

Andrew, ti hombre de Sierra Leona guníʼ: «Naa ne familia stinneʼ biʼniʼ sentirdu guirutiʼ zanda gacané laadu. Binítidu guiráʼ ni nápadu purtiʼ bilaahua ne bilate beñe ra lídxidu».

David, ti hombre de islas Vírgenes guníʼ: «Ora biguétadu ra lídxidu despué de ti huracán, naa ne familia stinneʼ qué nidxéladu gastiʼ. Guizáʼ bidxíbidu. Ne oraqueca bizuxibi xiiñeʼ ne bizulú cayuunaʼ».

¿ÑEE huazaacaluʼ tobi de ca cosa ni bizéʼtenu riʼ la? Pa zacá ni, maʼ nánnaluʼ xi guiráʼ runi sentir binni ora runi sufrir, nuu tu laa guizáʼ ridxibi, rapa ansiedad, qué runi aceptar ni bizaaca, qué ridxelaʼ xi guni ne nisi cosa feu riníʼ xcaandaʼ. Ne stale binni raca desanimar ne runi sentir maʼ qué zanda guni seguir, dede riníʼ ique maʼ qué gapa xquendanabani sentidu.

Pa maʼ binítiluʼ guiráʼ ni nápaluʼ pur ti desastre natural la? zándaca cayuni sentirluʼ mayaca guirá stipa stiluʼ ne caníʼ íqueluʼ maʼ qué risaca xquendanabániluʼ. Peru Biblia ná risácaruʼ xquendanabániluʼ ne nuu stale razón risaca para gápaluʼ confianza zedandá ti dxi zabániluʼ galán.

ORA GÁNNALUʼ XI NÁ BIBLIA ZACANÉ NI LII GUDIILUʼ CUENTA RISÁCARUʼ XQUENDANABÁNILUʼ

Eclesiastés 7:8 ná: «Jma galán ora riluxe xiixa que ora ruzulú». Pa maʼ bininá ti desastre natural lii ne napa xidé guzululuʼ sti biaje, zándaca guiníʼ íqueluʼ xi para gúniluʼ ni. Peru pa gápaluʼ paciencia ne gúniluʼ stipa pur guzululuʼ sti biaje, zabániluʼ jma galán.

Biblia ná zedandá dxi «ma qué ziuu ru [...] enda ruuna nin enda racaná ladxidóʼ nin yuubaʼ» (Apocalipsis 21:4). Zaca cumplir ca diidxaʼ riʼ ora guni Reinu stiʼ Dios Guidxilayú riʼ ti paraísu (Salmo 37:11, 29). Maʼ qué ziuu desastre natural, ne maʼ qué lica zietenaláʼdxinu guiráʼ yuubaʼ ne dxiibi bisaana ca ni. Cayuni prometer Dios ni jma napa poder laanu ca diidxaʼ riʼ: «Guiráʼ ni guyuu dxiqué maʼ guirutiʼ tu zietenalaʼdxiʼ cani ne qué ziaana cani ndaaniʼ ladxidoʼcaʼ» (Isaías 65:17).

Guníʼ ique ndiʼ: Maʼ bidii Creador stinu laanu guiráʼ ni caquiiñenu para gápanu «ti futuro ne ti esperanza», racaláʼdxibe guibáninu en paz ora guni mandar gobiernu perfectu stibe (Jeremías 29:11). ¿Zanda gudii esperanza riʼ lii razón para guibániluʼ la? Sally, gunaa ni bizéʼtenu lu primé artículo que, guníʼ: «Pa guiníʼ íquenu pabiáʼ galán zabáninu ora guzulú guni mandar Reinu stiʼ Dios, zacané ni lii gusiaandaluʼ ca yuubaʼ huadíʼdiluʼ ne guni huantarluʼ ca guendanagana cadíʼdiluʼ yanna riʼ».

Runi animardu lii guyúbiluʼ xiruʼ chiguni Reinu stiʼ Dios pur binni huidxe si. Zacá zudiiluʼ cuenta maʼ cadi candaa maʼ qué zuniná ca desastre natural ca lii ne zudiiluʼ cuenta risácaruʼ xquendanabániluʼ neca maʼ biʼniʼ sufrirluʼ stale. Laga cabézanu gaca cumplir ca ni bizéʼtenu riʼ, zanda gacané ca conseju zeeda lu Biblia lii yanna para gudxiiluluʼ xiixa desgracia.

Textu zeeda lu Biblia ni zanda gacané lii

Gulee tiempu para guiziiláʼdxiluʼ

«Jma galán cuee binni tiempu para guiziilaʼdxiʼ ti ratu que cuee stale tiempu para guni dxiiñaʼ o para gacalaʼdxiʼ guinaazeʼ ti puñu bi» (Eclesiastés 4:6).

Según ca estudiu ni huayaca, despué de gapa tuuxa ti problema ne guiaana traumadu, «pa qué guiziilaʼdxiʼ chaahuiʼ la? zanda guiroobaʼ ca problema napa ne zaca jma nagana para laa chuʼ dxí». Nga runi, guizáʼ risaca cueenu tiempu para guiziiláʼdxinu.

Guníʼ ni cayuni sentirluʼ

«Ora nuu ansiedad ndaaniʼ ladxidóʼ ti hombre, raca deprimir, peru ti diidxaʼ galán la? rusiecheʼ ni laa» (Proverbios 12:25).

Guniʼné ti familia stiluʼ o ti xhamíguluʼ ni nápaluʼ confianza. Zucaadiágacabe lii né stale atención, ne laaca zuni animárcabe ne zacanécabe lii.a

Guníʼ ique zedandá dxi zabániluʼ jma galán

«Laanu cabeza nu, casi bidii stiidxa [...] [Dios], ti guidxilayú cubi ne ti ibáʼ cubi ra gasti enda nadxabaʼ» (2 Pedro 3:13).

a Pa maʼ xadxí de cayuni sufrir binni estrés o maʼ qué ganda gucueeza ansiedad stiʼ la? caquiiñeʼ cheʼ doctor.