Cani chitiidiʼ lu guendaridagulisaa stiʼ dxiiñaʼ stinu

Laguuyaʼ: Lu Xhiiñaʼ Reinu ni Rúninu zacá pora gutiidicabe ti Guendaridagulisaa stiʼ Dxiiñaʼ Stinu (Reunión de Servicio) ra chiguieeteʼ de guendaridagulisaa de chonna gubidxa. Ra gúʼyatu zanda la? cueetu quinse minutu lu Guendaridagulisaa stiʼ Dxiiñaʼ Stinu ante gápatu guendaridagulisaa de chonna gubidxa «Sánenu Dios» ca para guietenaláʼdxitu cani bieeteʼ lu guiʼchiʼ ni rizaané Xhiiñaʼ Reinu ni Rúninu (suplemento) stiʼ beeu riʼ, ni zaquiiñeʼ laatu. Lu beeu disiembre zaquiiñeʼ idubi ti Guendaridagulisaa stiʼ Dxiiñaʼ Stinu para guietenaláʼdxinu cani bieeteʼ lu guendaridagulisaa roʼ ca. Nga runi galán gucaʼnu cani guieeteʼ lu guendaridagulisaa roʼ ca ne gúninu ti lista de guiráʼ ni rábinu zanda iquiiñeʼ laanu lu endanabani stinu ne ora chigucheechenu diidxaʼ. Despué la? maʼ zanda cuunu gana xtuudxi ra gábinu laacabe ximodo huayacané cani laanu.

Semana 12 stiʼ abril

Diidxaʼ riuundaʼ 93

10 min. Cani chiguieeteʼ stiʼ binni ridagulisaa ne cani naquiiñeʼ guieeteʼ stiʼ Xhiiñaʼ Reinu ni Rúninu. Bitiidiʼ chupa modo zanda gusaanacabe rebista casi cá lu yaza 8 stiʼ guiʼchiʼ riʼ: tobi ca ne La Atalaya 15 stiʼ abril ne stobi ca ne ¡Despertad! 22 stiʼ abril. Lu guirópani zudiicabe guiropaʼ rebista ca, peru de tobi si nga jma guiníʼcabe. Lu cada tobi de laani la? guluíʼcabe gadxé gadxé modo icábitu ora gábicabe laatu «Nuu xhiiñaʼ» (biiyaʼ libru Razonamiento, yaza 19 ne 20).

15 min. «Gudiʼnu Jiobá ni jma sicarú ni nápanu.»a Lu párrafo 4 ca la? biʼniʼ inbitar cani cucaadiaga guiniʼcaʼ paraa guiráʼ ndiʼ zanda guluinu guendarannaxhii stinu pur binni ora maʼ ziucheechenu diidxaʼ.

20 min. Ni dxandíʼ ni cazíʼdinu riʼ, riguuni laanu tobi si ne binnilídxinu. Zanda inabadiidxuʼ lu libana riʼ. Stale de cani riulaʼdxiʼ stiidxaʼ Jiobá la? qué rinacaʼ gúnicaʼ ni nabe purtiʼ ridxiichi ca binnilídxicaʼ. Gunabaʼ cani cucaadiaga ca guiniʼcaʼ tuudxi de ni bizaacaʼ xtuudxi Testigu ni zeeda ndaaniʼ ca rebista riʼ: La Atalaya 1 stiʼ enero 2002, yaza 14 ne 15; 1 stiʼ disiembre 2000, yaza 8; 1 stiʼ septiembre 1999, yaza 32; 1 stiʼ enero 1999, yaza 4, ne ¡Despertad! 22 stiʼ febrero 1998, yaza 31. Guníʼ de que racachaahuiʼ modo nabani binnilidxi binni neca tobi si de laacaʼ runi ni na Biblia.

Diidxaʼ riuundaʼ 91 ne orasión guiluxeneni

Semana 19 stiʼ abril

Diidxaʼ riuundaʼ 55

5 min. Cani chiguieeteʼ stiʼ binni ridagulisaa.

15 min. «Guiníʼ íquenu casi guníʼ ique Jesús.»b Biquiiñeʼ ca guendarinabadiidxaʼ ni maca neni. Ora chindaluʼ lu guidapa párrafo ca la? biʼniʼ inbitar ca precursor ausiliar guiniʼcaʼ xi guiráʼ ndaayaʼ huayápacaʼ.

10 min. «¡Cadi guiaandaʼ gudiiluʼ ni!» Libana ni gudii binnigola ni ruuyaʼ modo rireeche diidxaʼ, (superintendente de servicio) ne zanda inabadiidxabe cani cucaadiaga. Bizeeteʼ de que naquiiñepeʼ nga gudiicabe guiʼchiʼ ra ricá tu guiráʼ ruundanécabe (Informe de estudio) ne ximodo racaneni cani caziidicaʼ iniisicaʼ lu stiidxaʼ Dios.

15 min. Guibáninu Stiidxaʼ Dios guiráʼ dxi. Zanda inabadiidxuʼ lu libana riʼ. Guluu gana laacabe ti iquiiñecabe jneza foyetu Examinando las Escrituras diariamente 2004. Guníʼ tuudxi de ni cá ra ruzuluni ca (prólogo, yaza 3 ne 4). Gunabadiidxaʼ cani cucaadiaga guiniʼcaʼ pora nga randa ruundacaʼ textu guiráʼ dxi. Biindané laacabe textu stiʼ dxi ca ne xtuudxi ni cusiene textu ca. Biʼniʼ inbitar laacabe guiníʼcabe ximodo zanda iquiiñecabe ni lu endanabani stícabe. Guluu gana guirácabe para guiníʼ íquecabe ximodo zanda iquiiñeʼ ni laacabe cada gúʼndacabe textu guiráʼ dxi.

Diidxaʼ riuundaʼ 38 ne orasión guiluxeneni.

Semana 26 stiʼ abril

Diidxaʼ riuundaʼ 46

12 min. Cani chiguieeteʼ stiʼ binni ridagulisaa ne pagala nuu. Bisietenalaʼdxiʼ cani rucheeche diidxaʼ gudiicaʼ pabiáʼ dxiiñaʼ bíʼnicaʼ lu beeu abril. Bizeeteʼ cani zanda gusaananetu binni beeu mayo. Zanda iquiiñeluʼ ni nuu lu yaza 8 stiʼ guiʼchiʼ riʼ para guluiʼluʼ ximodo gusaanacabe La Atalaya 1 stiʼ mayo ne stobi ca ne ¡Despertad! 8 stiʼ mayo. Lu guirópani zudiicabe guiropaʼ rebista ca, peru de tobi si nga jma guiníʼcabe. Lu tobi de cani chitiidiʼ ca guluíʼcabe ximodo güícabe de stiidxaʼ Dios ne tobi ni runinécabe dxiiñaʼ o ni rinécabe scuela.

15 min. Ni caquiiñeʼ binni ridagulisaa.

18 min. «Lii hombrehuiiniʼ o dxaapahuiiniʼ, biindaʼ Stiidxaʼ Dios.»* Dede ante guyúbiluʼ tobi o chupa de cani nahuiiniʼ para guiniʼcaʼ pora ruundacaʼ Biblia ne ximodo cayacaneni laacaʼ. Guluu gana guiráʼ cani nahuiiniʼ para quixhe íqueca gúʼndacaʼ idubi Biblia. Zanda guiniʼluʼ caadxi de ni zeeda lu libru Benefíciese, yaza 10, párrafo 4.

Diidxaʼ riuundaʼ 164 ne orasión guiluxeneni.

Semana 3 stiʼ mayo

Diidxaʼ riuundaʼ 48

10 min. Cani chiguieeteʼ stiʼ binni ridagulisaa. Nagueenda si bizeeteʼ ni cá íquetu gúnitu ca beeu zeeda riʼ: casi cheetu guendaridagulisaa de chonna gubidxa, gácatu precursor ausiliar, gunichaahuitu ndaaniʼ lídxitu, ne chizatu xiixa lugar. Pa ra rucheechetu diidxaʼ nuu lugar ra huaxiéʼ rietu la? bizeeteʼ ni naguíxetu gúnitu para chetu ca lugar ca. Naquiiñeʼ quixechaahuitu xi guiráʼ ndiʼ chigúnitu ti cadi gusaanatu de gúʼndatu Biblia ne binnilídxitu (estudio de familia), ne cadi gusaanatu de chetu ca guendaridagulisaa ca ne de chigucheechetu diidxaʼ pa chetu de biaje o stiʼ lugar (Pro. 21:5). Bisietenalaʼdxiʼ guirácabe de que pa chécabe de bacasión o co la? naquiiñeʼ gudiicabe pabiáʼ dxiiñaʼ bíʼnicabe ra bicheechecabe diidxaʼ.

10 min. Ndaa ra rinabadiidxaʼ. Libana ni gutiidiʼ ti binnigola.

25 min. «Guendaridagulisaa de Chonna Gubidxa stiʼ ca Testigu stiʼ Jiobá “Sánenu Dios” 2004.» Gutiidiʼ secretariu stiʼ ca binni ridagulisaa ni. Gúʼndasiluʼ guionna párrafo ca la? gunabaʼ cani cucaadiaga gúʼndacaʼ ni cá ndaaniʼ cuadru ni zeeda lu yaza 4. Guluu gana laacabe para guiníʼ íquecabe dede ca yanna para chécabe guendaridagulisaa roʼ ca.

Diidxaʼ riuundaʼ 80 ne orasión guiluxeneni.

[Ni cá ñee yaza]