«Guiranu gusisácanu (x)labe»
1. Paraa zanda gusisácanu Jiobá, ne xii nga mapeca naquiiñeʼ gúninu yanna.
1 «Lagusisacané naa Jiobá, ne guiranu gusisácanu (x)labe», zacá biindaʼ ni bicaa salmo riʼ (Sal. 34:3). Lu Guendaridagulisaa de Chonna Gubidxa ni láʼ «Sánenu Dios» ni chigápanu ca la? laaca zanda gusisácanu (x)lá Jiobá ne ca bíchinu ne bizánanu de xcaadxi neza binni ridagulisaa. Ñee maʼ cabeenu tiempu para guyúbinu paraa chiguiaananu, ne xi lu chuunu, ne para inábanu permisu ra rúninu dxiiñaʼ la? Ni jma galán nga gúninu cani dede ante (Pro. 21:5).
2. Xiñee galán nga quixhechaahuinu cani chigúninu dede ante ti chindanu siadoʼroʼ ra guendaridagulisaa roʼ ca yaʼ.
2 Ra chigaca guendaridagulisaa roʼ. Ora maʼ chuunu ti guendaridagulisaa roʼ, stale nga ni naquiiñeʼ gúninu. Pa guireʼnu siadoʼroʼ la? zanda guni tendernu cani málasi gucá laanu, ti ganda chindanu ante guzuluni para gúʼndanu ne idubi ladxidoʼno ne gucaadiáganu orasión guzuluneni (Sal. 69:30). Chupa chonna minutu ante guzuluni, bíchinu ni chiguiníʼ tuu ndiʼ cani chigudii ca libana ca (presidente) zabibe lu plataforma laga ucaadiágacabe saa stiʼ Reinu ni rixidxi para guzuluni. Ne galán nga pa óraca maʼ zúbanu xlugarnu ti guzulú ni modo naquiiñeʼ ácani (1 Cor. 14:33, 40).
3. Ora maʼ cuyúbinu ra cuinu, ximodo zanda guluinu de que runi respetarnu xcaadxi binni.
3 Stiidxaʼ Dios cayabi laanu de que guiráʼ ni gúninu, gaca cani ne guendarannaxhii (1 Cor. 16:14). Pur respetu ni nápanu ca bíchinu ne bizánanu la? qué zuxooñenu ne qué zulaananu laacabe ora ixeleʼ ca puerta stini siadóʼ a las 7:00 ca, purtiʼ si rápanu gana chindanu primé ra nuu ca lugar ra riuláʼdxinu cuinu. Zanda cueenu lugar raqué peru para cani zinésinu ndaaniʼ carru o para binnilídxinu (1 Cor. 13:5; Fili. 2:4).
4. Xi zanda gúninu ora maʼ caziiláʼdxinu galaadxí ca ne xi zabeendunu pa gúninu zacá yaʼ.
4 Para cadi ireʼnu de ra cayaca ni galaadxí ora riziiláʼdxinu para idoʼno la? galán nga chinécanu guendaró stinu, purtiʼ zacá zanda güínenu ca bíchinu diidxaʼ ne maca nuunu gaxha ora maʼ guzuluni huadxí ca. Pa ganda la? ni chinenu para chuʼ guendaró ca ácani nahuiinigá biaʼ ganda chuʼ xaʼnaʼ banguʼ stinu, peru qué zanda diʼ chinenu xiixa ni naroʼbaʼ nin xiixa de bidriu o nisa dxuʼniʼ.
5. Ximodo zanda uguunu listu ladxidoʼno para guiráʼ ni chiguizíʼdinu.
5 Stálepeʼ nga ni zazíʼdinu de Jiobá. Rey Jehosafat «guluube listu ladxidoʼbe para guyúbibe Dios ni dxandíʼ» (2 Cró. 19:3). Ximodo zanda uguunu listu ladxidoʼno ante de guendaridagulisaa riʼ yaʼ. Lu ca rebista ¡Despertad! 22 stiʼ mayo ne 8 stiʼ junio lu ca últimu yaza stiʼ cani cayabi laanu pabiáʼ stálepeʼ nga ni zazíʼdinu de Jiobá. Xiñee qué cueenu tiempu para guiníʼ íquenu ni cayabi ca rebista ca laanu, ti zacá dede zanabaʼ ladxidoʼno ucaadiáganu ni napa Jiobá para laanu. Para uguunu listu ladxidoʼno, riquiiñeʼ inábanu Jiobá acané laanu guiénenu ne gúninu guiráʼ ni chiguizíʼdinu lu guendaridagulisaa roʼ ca (Sal. 25:4, 5).
6. Xii nga racaláʼdxinu gúninu ne xiñee.
6 Guiranu racaláʼdxinu izíʼdinu jma de lu Stiidxaʼ Dios, purtiʼ nánnanu zacá zanda iniisinu luni para ganda ilanu (1 Ped. 2:2). Nga runi, chuunu Guendaridagulisaa de Chonna Gubidxa «Sánenu Dios» ne zacá guiranu gusisácanu (x)lá Jiobá (Sal. 34:3).
[Box on page 3]
Modo zanda gusisácanu (x)lá Dios
◼ Quixhechaahuinu cani chigúninu dede ante
◼ Gusihuínninu nadxiinu stuudxi
◼ Uguunu listu ladxidoʼno