Cani chitiidiʼ lu guendaridagulisaa stiʼ dxiiñaʼ stinu

Semana 12 stiʼ diciembre

Diidxaʼ riuundaʼ 32

10 min. Cani chiguieeteʼ stiʼ binni ridagulisaa ne cani naquiiñeʼ guieeteʼ stiʼ Xhiiñaʼ Reinu ni Rúninu. Biquiiñeʼ cani zeeda lu yaza 8 para utiidiluʼ chupa modo zanda usaananu revista, tobi ne La Atalaya 15 stiʼ diciembre ne stobi ne ¡Despertad! 22 stiʼ diciembre (pa zanda iquiiñeʼ cani neza ra rucheechenu diidxaʼ). Zanda aca cani xcaadxi modo ganda iquiiñeʼ. Iluxe si cada tobi de laani la? gudxi laacabe cadi nagana diʼ nga iquiiñenu ti textu stiʼ Biblia ora maʼ caninenu binni.

15 min. «Ti scuela ni rusiidiʼ laanu iquiiñenu ni cazíʼdinu.» Libana ni udii binnigola ni rutiidiʼ scuela. Uníʼ xiixa de cani zeeda lu ni rizaané Xhiiñaʼ Reinu ni Rúninu stiʼ octubre 2005.

20 min. «Ni rusiidiʼ Jiobá rudiini laanu endanabani.»a Dede ante uniʼné tobi o chupa ni rucheeche diidxaʼ para usiénecaʼ xi huabeenducaʼ pur iráʼ ni riziidicaʼ de Jiobá.

Diidxaʼ riuundaʼ 101 ne oración iluxeneni.

Semana 19 stiʼ diciembre

Diidxaʼ riuundaʼ 160

5 min. Cani chiguieeteʼ stiʼ binni ridagulisaa. Bizeeteʼ modo maʼ udíxhetu chigucheechetu diidxaʼ 25 stiʼ beeu diciembre ne 1 stiʼ enero. Lu sti semana ca chigúʼndanu lu Guendaridagulisaa stiʼ Dxiiñaʼ Stinu tarjeta cubi stiʼ Directriz anticipada y carta poder para atención médica (DACP [DPA para Belice]), ne guiʼchiʼ ni láʼ Instrucciones para llenar la tarjeta DACP. Guiráʼ cani rucheeche diidxaʼ ni maʼ uyuunisa ne cani maʼ bibiguetaʼ ndaaniʼ xquidxi Jiobá la? naquiiñeʼ icaacabe tarjeta DACP dxi ca, ne ti guiʼchiʼ stiʼ Instrucciones para llenar la tarjeta DACP nga icaa cada familia. Gudxi laacabe guʼndaʼ chaahuicabe cani ne chinécabe cani sti semana ca ti chinándacabe luni ora guiuundaʼ de laani.

15 min. «Zaquiiñenu ca guiʼchihuiiniʼ ca la?»b Ora uzulú libana riʼ naquiiñeʼ icaa iráʼ cani cucaadiaga ti guiʼchihuiiniʼ riʼ. Ora maʼ guiuundaʼ párrafo 2 ca la? biluiʼni ne biindaʼ idúbini. Guiuundaʼ si párrafo 5 ca, tiidiʼ tobi ni rucheeche diidxaʼ para guni ni na párrafo 3 (Belice zácani modo jma ganda iquiiñeni neza ra rucheechecabe diidxaʼ).

25 min. «Ñee zanda guni xiiñiluʼ xiixa casi ti binni huaniisi la?» Udii ti binnigola ni. Tobi ni nanna guʼndaʼ jneza nga guʼndaʼ iráʼ párrafo ca. Biindaʼ iráʼ ca textu ni zeeda luni. Guiuundaʼ si párrafo 2 ca la? bisihuinni ximodo adxé adxé modo riníʼ ique ca hombrehuiiniʼ ni cuzeeteʼ párrafo 16 ne 17, ne cuadru ni zeeda lu yaza 17, stiʼ La Atalaya 15 stiʼ junio 1991, yaza 16 ne 17. Maʼ para ilúxeluʼ la? gudxi cani napa xiiñiʼ gúʼndacaʼ revista ca ne ca xiiñicaʼ, ne laaca naquiiñeʼ usiidicabe laacaʼ dede nahuiinicaʼ mandamientu stiʼ Dios ni caníʼ de rini ne usiénecabe laacaʼ ximodo zanda icábicaʼ ora chuʼ tu inabadiidxaʼ laacaʼ de ni runi crecaʼ. Hombre ni maʼ bichaganáʼ ne napa xiiñiʼ la? naquiiñeʼ gúʼyabe gapa ca xiiñibe ni maʼ uyuunisa tarjeta DACP (DPA para Belice) ne gapa cani caʼruʼ chúʼnisa Tarjeta de Identidad. Iráʼ biaje chigata tuuxa ra hospital o chuʼ xiixa endanagana pur acaláʼdxicabe ucaacabe rini laabe la? ca binnigola naquiiñeʼ iníʼnecaʼ Grupu de Binnigola ni Riniʼné ca doctor ti acanecaʼ laacabe.

Diidxaʼ riuundaʼ 56 ne oración iluxeneni.

Semana 26 stiʼ diciembre

Diidxaʼ riuundaʼ 85

10 min. Cani chiguieeteʼ stiʼ binni ridagulisaa. Biindaʼ ca guiʼchiʼ ra cá pagala nápatu ne ca recibu stiʼ bueltu ni bidiitu. Bisietenalaʼdxiʼ cani rucheeche diidxaʼ udiicaʼ pabiáʼ dxiiñaʼ bíʼnicaʼ beeu diciembre. Pa zadxaa ora rápatu ca endaridagulisaa sti iza ca la? lauzeeteʼ ni nezalú ca binni ridagulisaa. Bizeeteʼ ca libru ni zusaananenu binni lu beeu enero ne uníʼ paraa zanda idxélacabe modo iníʼcabe ti ganda gúnicabe ni.

10 min. «Usihuínninu rizaaláʼdxinu binni ra inínenu laacabe de ni caquiiñecabe.» Pa udii tiempu la? tiidiʼ tobi ni rucheeche diidxaʼ para usihuinni ximodo zanda uchaabe modo iníʼnebe binni pur ni iníʼ binni caníʼnebe ca.

25 min. Uzúʼbanu Stiidxaʼ Dios de cadi icanu rini. Libana riʼ guʼndaʼ ti binnigola idúbini. Biquiiñeʼ guiʼchiʼ ni biseendaʼ Betel. Ora uzululuʼ bizeeteʼ qué zanda diʼ uchácabe ca tarjeta DACP gueelaʼ aca endaridagulisaa riʼ. Ni udii libana riʼ, zanda uzeetebe xhupa xhonna diidxaʼ para usihuínnibe ca diidxaʼ ni jma risaca, peru cadi uguurube jma luni ra iquiiñebe textu ne ejemplu ni cadi zeeda luni. Biaʼ tiempu nápabe nga zanda gúʼndabe ca textu ni zeeda lu libana riʼ. Ne ra zanda la? zuzeetebe ni cá ndaaniʼ cuadru ra na «Ti guiʼchiʼ cubi ni zacané laanu cadi icanu rini».

Diidxaʼ riuundaʼ 222 ne oración iluxeneni.

Semana 2 stiʼ enero

Diidxaʼ riuundaʼ 5

10 min. Cani chiguieeteʼ stiʼ binni ridagulisaa. Bisietenalaʼdxiʼ cani cucaadiaga guedanecaʼ revista ¡Despertad! stiʼ beeu enero 2006 para iquiiñeni lu Guendaridagulisaa stiʼ Dxiiñaʼ Stinu sti semana ca.

15 min. «Iquiiñenu jneza ca libru ne ca revista ni rusiene ni na Biblia.» Zanda iniʼluʼ caadxi de ni zeeda lu Xhiiñaʼ Reinu ni Rúninu stiʼ septiembre 2002, primé yaza.

20 min. «Ximodo inínenu ca binnilídxinu de Stiidxaʼ Dios.» Biquiiñeʼ ca endarinabadiidxaʼ ni maca neni. Gudxi cani cucaadiaga iniʼcaʼ ximodo huayúnicaʼ para ucaacaʼ binnilídxicaʼ chulaʼdxiʼ stiidxaʼ Dios ne ximodo huaniʼnécabe laaca de laani.

Diidxaʼ riuundaʼ 48 ne oración iluxeneni.

[Ni cá ñee yaza]